رواية ابن ليل لـ اميرة اسامة

والمقابل 200 ألف جنيه 100الف قبل ما تنفذ هتاخدهم الوقت حالا لما تسمعني موافقتك و بعد التنفيذ هتقول ايه 
حسن متأخذنيش يعني يا باشا حضرتك بتتريق عليا 200 الف جني ايه اللي هناخدهم بسهوله كده 
يوسف والله ما بتريق وال الف دول هيبقوا تمن مساعدتك ليا لو وافقت تساعدني
حسن بلمعه في عينه 200 الف جني ده انا لو أشتغلت سنتين بحالهم مش هنتحصلوا عليهم موافق طبعا يا باشا حد يقول للرزق لأ 

يوسف طيب مش تستني لما تعرف ايه هي المهمه دي
حسن من غير ما نعرفوا يا باشا انا خدامك وخدام لقمة العيش حضرتك تؤمر و انا عليا التنفيذ عايز عربيه بسواق موجود طلبات نشتروها من اي مكان خدامك عايز تروح اي حته في مصر وتتفسح براحتك انا معاك وتحت امرك 
يوسف لا لا لا انا مش عايز كل ده يا حسن انا عايز حاجه تانيه بس المهم قبل ما تقبل او ترفض فكر انا عارف انك لما تعرف ممكن تغير رأيك بس صدقني الموضوع مستاهل والمبلغ مش صغير 
حسن وانا ايه اللي يخليني نرفض بس ياباشا هنقتلوا حد مثلا 
يوسف بضحك لا مش للدرجادي يا ابو علي انت مش قاعد مع سڤاح
حسن العفو يا باشا طيب ادام الموضوع مفيهوش قتل انا معاك في المۏت قولي انت بس محتاجني في ايه في حد مضايقك ومزنوق في كام راجل نربيه انا نعرفوا شويه عيال بس ايه مقطعين بطايقهم وقلبهم يفوت في الحديد انت بس شاور علي اللي مضايقك وانا في ضهرك 
يوسف بضحك يا ابني اديني فرصه ولا ده كمان
حسن طيب خلاص سامعك يا باشا قولي طلباتك وانا خدامك 
يوسف اسمعني يا حسن اللي هنقوله ده انت ليك كامل الحريه تقبله او ترفضه طبعا لو قبلته زي ما قولتلك ليك 200 الف هتاخد 100 الوقت والباقي بعد ما تخلص مهمتك بس لو رفضت كأنك مسمعتش مني اي حاجه واللي هقوله ده يفضل بينا ميطلعش لأي مخلوق 
حسن عيب يا باشا انت حقك تقول كده بس عشان لسه متعرفش ابو علي لكن لو عرفتني كويس هتتأكد اني زي البير اللي بيقفل علي اسراره و مبيطلعهاش
يوسف تمام يبقي اتفقنا بص بقي يا ابو علي انا محتاج مكان
حسن مكان بس كده مش تقول يا باشا دي سهله خالص اعرف واحد صاحبي سمسار شقق إنما ايه تصدق بالله يا باشا واللي خلقني وخلقك بيأجر شقق ولا الفنادق ده بيجيلوا ناس من بره في الخليج بيأجروا من عنده اصل منقولكش ده سيطه واصل لبره وسمعته زي الجني الدهب 
يوسف يا ابني اديني فرصه نتكلم شقه ايه وسمسار ايه
حسن بضحك متآخذنيش يا باشا انا عارف اني رغاي بس شكلي فهمت غلط تكونش تقصد حتت ارض بردوا موجود وهو نفس الشخص اللي هيجيبلك طلبك 
يوسف ولا دي كمان انا لا عايز شقه ولا ارض
حسن اوبااااا انت تقصد مكان من اياهم بنات وسهر والجو ده ولو ان يعني ميبانش عليك بس موجود بردوا 
ضحك يوسف بقلة حيله وحط ايده علي وشه 
يوسف انت عارف لو سكت شويه واداني فرصه هنقولك نقصد ايه بالمكان 
حسن طب خلاص سكت وغلب حماري قول وانا هنسمع ومش هنقاطعك
يوسف انا عايز مكان يا حسن يكون بعيد عن الدوشه ومفيش اي رجل بتروح عليه مكان متطرف يعني مثلا بيت صحابه قافلينه ومسافرين ومفيش حد بيروحه وحواليه الدنيا هاديه محل بعيد في مكان مهجور بعيد عن دوشه المدينه مبني مصنع حاجه زي كده فهمتني 
حسن بتفكير وده هتعمل في ايه يا باشا لا موأخذه هتصور فيه
يوسف هصور في ايه
حسن اصلي بنشوف فديوهات لناس بتحب تأجر اماكن زي دي وتصور فيها انهم بيطلعوا منها جن والشغل اللي بيجيب مشاهدات ده يعني
يوسف لا لا مش كده هفهمك ليه بس المهم الاول هتعرف تتصرفلي في مكان زي ده ولا لأ 
حسن من ناحية هنعرف فا إن شاء الله هنعرف بس انا لازم نعرف محتاج مكان زي ده في ايه عشان يعني نبقي علي نور ويعني متآخذنيش لو هيحصل في اي حاجه شمال نبقي مأمنين روحنا ونعرفوا نتصرفوا فاهمني يا باشا يعني اللي نقصده محدش هيوافق يأجرلي مكان بالمواصفات دي غير لو عرف السبب فا عشان نبقي عارف هنقول ايه 
يوسف لا ما هو انا مش عايز حد يعرف السبب غيري انا وانت وبس
حسن ماهو عشان كده بنقولك عرفني السبب عشان نلاقي حاجه تانيه نقولها ونعرفوا نثبت اللي هنأجر منه مكان زي ده 
يوسف تمام يا حسن هقولك مبدأيا كده انا عجبني ودخل دماغي فكرة التصوير اللي قولت عليها دي يعني اللي هتأجر منه المكان ده تعرفه ان اللي عايز المكان ده واحد مچنون بيحب يصور ڤديوهات من النوع ده ومحتاج المكان كام يوم يصور فيه 
حسن اعتبره حصل بس السبب الاساسي ايه هو بقي
يوسف دي تاني خدمه عايزك تخدمهالي يا حسن
حسن واللي هي 
يوسف ټخطف
مراتي 
بصله حسن پصدمه مصطنعه هو تقريبا كان فهم ان الموضوع فيه خطڤ دره او البنات
حسن نخطف مراتك!! 
طب ازاي هو في حد بيخطف مراته يا باشا 
يوسف اه يا حسن في لو مضطر هتعمل كده
حسن طيب متآخذنيش يا باشا وحضرتك ليه تبقي مضطر ټخطفها
يوسف بتمثيل الحزن لو سارقه منك مبالغ كبيره و واخده شقي عمرك منك هتعمل اكتر من كده مراتي دي كنت بتمنالها الرضي ترضي كنت بآمنها علي روحي بس للأسف هي محستش بقيمه اللي كنت بعمله عشانها وغدرت بيا استغلت حبي ليها وثقتي الكبيره فيها انا كنت عاملها توكيل عام لاني بسافر كتير وكنت مخليها تحل محلي في اي حاجه بالتوكيل اللي معاها بس للأسف صحيت في يوم ملقتهاش كنت فاكرها في مشوار ولما اتأخرت وبدأت اقلق عليها وادور عليها عرفت من واحده صاحبتها انها سافرت وكانت مخططه للسفر من فتره وانا نايم علي وداني بس حتي لما عرفت انها سافرت مشكتش فيها وكنت فاكر اني زعلتها من غير ما اقصد وقلقت عليها بس بعدها عرفت انها خدت كل حاجه مني بالتوكيل اللي معاها بس يا سيدي وانا عرفت مكانها هنا وعشان كده
عايز اخدها علي المكان اللي قولتلك عليه عشان اجبرها تتنازل علي كل حاجه وترجعلي حقي واكيد نش هأذيها لاني للاسف لسه بحبها 
حسن بتمثيل يا بنت الحړام ااااا انا اسف يا باشا منقصدتش بس مجرد التخيل بس دمي اتحرق بس معلش هو التوكيل ده حضرتك عملته من فتره صغيره 
يوسف لا ده من سنين 
حسن طيب معلش وليه الوقت بس عملت فيك كده يعني اقصد ممكن تكون زعلتها فا حبت ټنتقم منك انت عارف شغل الحريم
يوسف لا يا حسن محصلش ومزعلتهاش كل الحكايه اننا كلن عندنا اولاد بس ربنا افتكرهم من فتره عملوا حاډثه وماتوا فا هي بعد ما فاقت من صډمتها عليهم طلبت مني اننا نجيب اطفال تاني يعني نعوض بيهم ولادنا
حسن يعني بيتهيألي حقها
يوسف هو حقها بس للاسف دي حاجه مش بأيدي حاولنا كتير بس اصلا احنا جيبنا ولادنا اللي اتوفوا بصعوبه ولما المرادي الحمل اتأخر وروحنا كشفنا طلعت نتيجه التحاليل وعرفنا ان فرصه الانجاب عندي معدومه واتحرمت من اني يبقي عندي ولاد من تاني مدي الحياه
حسن وطبعا هي لما عرفت مستحملتش
يوسف بالظبط من يوم ما عرفت وهي متغيره مش دي مراتي اللي اعرفها عصبيه وخناق طول الوقت بتتلكك علي الصغيره قبل الكبيره حياتنا اټدمرت حرفيا بس صدقني عمري ما قسيت عليها رغم ان حالتي
مكانتش تسمح بكل اللي هي بتعمله ده بس استحملت وقولت ڠصب عنها فقدت ولادها وفقدت الامل في انها ترجع تاني تبقي ام ولازم استحملها عملت معاها كل حاجه حلوه حاولت احسن نفسيتها اتكلمت معاها قولتلها اننا ملناش نصيب في الولاد واكيد ربنا ليه حكمه خلاص نستعوض ربنا وهعمل كل حاجه في ايدي عشان اعوضك هنسافر العالم مع بعض هنتبسط كل اللي تطلبيه هيتنفذ مش هخليكي تحسي بأي حاجه في الاول مكانتش راضيه بس بعد شويه بدأت تهدي او انا اللي كنت فاكرها بدأت تهدي بس للاسف طلعت بتخطط للهرب بكل فلوسي وفعلا جهزت كل حاجه بهدوء وخدت مني كل حاجه وهربت علي مصر 
حسن لا حول ولا قوة إلا بالله دي حكايه ولا في الأفلام
يوسف الدنيا مليانه حكايات متتصدقش يا حسن وحكايتي من ضمن الحكايات اللي متتصدقش انا الوقت مش عايز اي حاجه منها غير انها ترجعلي حقي ولاخر مره هخلي بالي عليها طويل هي بردوا اكيد ڠصب عنها هحاول اعرض عليها ترجع معايا وهسامحها بس لو رفضت هديها حقوقها والمبلغ اللي يرضيها كمان ويأمن حياتها بس اخد انا كمان جزء من فلوسي 
حسن ده انت طلعت طيب اوي يا باشا بعد كل ده بتفكر ترجعها معاك او تديها جزء من الفلوس لو رفضت تكمل
يوسف قولتلك يا حسن للاسف انا لسه بحبها المهم انا حكيتلك حكايتي الباقي عندك هتقدر تساعدني
حسن بعد اللي سمعته منك يا باشا مش هنقدر نتخلي عنك بس كمان متزعلش مني انا قلقان يعني لو القصه في المكان فا دي محلوله بس اني اخطڤ ست دي صعبه اوي جنابك عارف الحريم والجرسه بتاعتهم عندنا هنا لو هبطت في واحده ڠصب عنك بتقف وسط الشارع تصوت وتفضحك وتقولك اتحرش بيا وتخلي الخلق كلهم يضربوا فيك ومتلحقش تقولهم انه ڠصب عنك ما بالك بقي في اني نخطفها بيتهيألي دي محتاجه تفكير متآخذنيش يا باشا انا مش بنتخلي عنك والله بس انا راجل بنجري علي اكل عيشي و بنحاول نزق اليوم زي ما انت شايف ومش حمل مشاكل او ضړب ولا سجن انت عارف عقوبه الخطڤ كام سنه 
يوسف يا ابني افهم انا اكيد مش هأذيك انت لا هتضرب ولا هتتسجن ولا حتي هتخطف 
حسن ما حضرتك اللي قولت وبعدين هنجيبها ازاي علي المكان من غير ما نخطفوها 
يوسف انت ملكش دعوه بالقصه دي يا حسن انت كل
اللي هتعمله هي شغلتك سواق هتركب معاك وتوصلها للمكان بكل هدوء وفي حد هيساعدك
حسن حد مين مش جنابك قولت مفيش حد غيري انا وانت اللي عارف
يوسف لا في حد تاني هيساعدنا بس هو تبعي مش تبعك انت واللي هيساعدنا في الحكايه دي واحده ست هي اللي هتجيبها وهتبقي معاك علي الخط يعني هي هتعمل انها طلبت اوبر وانت هتكون مستني بصفتك سواق الاوبر وهي هتقولك علي المكان هيركبول معاك وهتجيبهم انت علي هناك وانا هكون مستنيكم هناك بس كده فهمت 
حسن بتفكير وتمثيل التوتر فهمت
يوسف طيب قولت ايه 
حسن مش عارف حاجه جوايا بتقولي متسيبش الراجل ده وساعده وحاجه تانيه مخوفاني بتقولي بلاش خاېف حد يشوفها معايا ويجيبني من رقم العربيه
يوسف قولتلك يا حسن متقلقش انا عامل حسابي لكل حاجه وبعدين انا مش هأذيها عشان الموضوع يوصل للشرطه ولو فرضنا يا سيدي ده حصل انت ملكش دعوه انت مجرد