رواية ابن ليل لـ اميرة اسامة
المحتويات
خمس مرات عشان تلفت نظره وتخلي قلبه يتحرك بس أخينا قلبه مايل للسنيوره
دره بتحب كرم بتكلمي جد
دعاء اه والله وكل الخلق عارفه بحكايتها وانا كلمتها كتير عشان تخف حركاتها والناس متلسنش عليها وعلي بنتها في الراحه و الجايه بس نقول ايه القلب وما يريد
دره القلب وما يريد ايه انتي كمان تتجوز خمس مرات وتقولي بتحبه
دره هو اكيد تفكير غلط بس للاسف الحب بيخلي الواحد مش قادر يتحكم في تصرفاته وزي ما قولتي كل واحد وتفكيره
دعاء مها بقي حطتها في راسها بسبب حبها لكرم وحالفه مېت يمين ان عمرها ما هتطول اخوها عشان كده طول عمرهم بينهم مصانع الحداد
دعاء لا مستحيل ميتهيأليش انا حافظه مها بس زي ما تقولي استغلت ان سونه مش طيقاكي وقررت تتفق معاها عليكي
دره انا شكلي كده داخله علي ايام ما يعلم بيها إلا ربنا
دعاء لا شدي حيلك كده لسه المشوار طويل
دره عادي مش فارقه بقي المهم كرم يفك عني حصار البياعين لان ناقصني حجات ومش قادره نجيبها من بعيد
دره هو انا ناقصه ړعب ما كفايه نظره عينه بلونها المرعب ده
دعاء ربنا معاكي يا اختي في اللي كرم هيعمله فيكي ويلا بقي قومي من عالسرير ده وفوقي كده
دره قايمه اهو عايزه كمان اشوف البنات لو محتاجني في تجهيز اي حاجه للجامعه واشوف انا كمان اللي ورايا عشان بكره هبدأ شغل
دره ماشي يا دودو
خرجت دره معاها وصلتها لحد الباب وراحت لبناتها ابتسمت بحب
دره ها يابنات جهزتوا لبس بكره
دارين لسه يا مامي
دره طيب ايه مش محتاجين اي مساعده مني
دانه مامي حضرتك هتوصلينا بكره
دره اكيد
دارين مامي في حاجه عايزه اقولك عليها بس مش عيزاكي تتعصبي
دارين بيتهيألي جه الوقت بقي نفهم ايه اللي بيحصل حوالينا احنا مبقيناش صغيرين وبصراحه في حجات غريبه بتتقال قدامنا مش قادرين نفهمها
ديما ايوه يا مامي كل مره نسألك عن سبب خلافك مع اهلك تقولي بعدين وزاد عليهم اللي اسمه كرم والحجات الغريبه اللي بتحصل منه
دانه ولا الاتنين اللي شوفناهم تحت دول اخت كرم والتانيه اللي معاها مش قادرين نفهم مالهم وليه الناس كلها هنا غريبه وكأن وراهم سر
قعدوا البنات جنبها علي السرير وبدأت دره تحكيلهم كل حاجه
مها ايه يا امي هتفضلي ساكته كده
نجوي نقول ايه يا مها مبقاش في حاجه تتقال
مها هتزعلي مني لو قولنالك انك غلطتي
نجوي لا يا مها عشان انا غلطت فعلا بس مكنتش اعرف وقتها اي حاجه في قلب دره غير انها مش قادره تكمل مع كرم واكيد لو نعرف من الاول انها بتحب غيره عمري ما كنت هنحط ابني في الموقف ده
مها انا كمان مش قادره نصدق وبعد ما كنت مش طايقه دره الوقت مبقتش طيقاها اكتر ازاي متقوليش وازاي تخبي عليا ده احنا طول عمرنا صحاب واخوات لما عرفت انها اتجوزت اللي اسمه يوسف ده مبقيناش طايقنها وقولت انها خاينه ومش سالكه عشان كنت عارفه انها سابته من قبل ما تتخطب لكرم
نجوي انتي كنتي عارفه يوسف ده
مها كانت بتحبه وبيحبها ولما الحوار دخل في الجد بينها وبين كرم مبقتش تجيب سيرته
نجوي طيب وليه مقولتيش
مها نقولوا ايه بس انا لما دره اتخطبت لكرم وسيره يوسف اتقفلت قولت عادي زيها زي اي بنت خبت بس خلاص بقت علي ذمه غيره ولما عرفت انها اتجوزته مرضيناش نفضحوا صحبتي يا امي وسكتنا خالص بس اللي هيجنني ادام محبتش كرم سكتت ليه وليه حاولت تخبي عليا انها لسه مع يوسف ده
نجوي يمكن عشان انتي اخت كرم ومهما كان حبك ليها مش هتتحملي حاجه
علي اخوكي وممكن تخسريها وعلاقتكم تتغير
مها اكيد مكنتش هنقبل حاجه علي اخويا بس كمان لو كنت عرفت انها لسه بتحبه ومعاه ومش عابزه تكمل مع كرم او مغصوبه عليه كنت هنقفوا جنبها ونحاول نفكروا في اي حاجه كنت هنتكلموا مع كرم او بكر او نعملوا اي حاجه بقي بس اللي قاهرني انها خبت عليا وفجأه طلعتني من حياتها كأننا مكناش اصحاب
نجوي قولتلك يا مها اكيد خاڤت تواجهك لانه اخوكي يا بنتي وخاڤت تخسرك
مها خساره تن خساره تفرق يا امي انا واثقه اني وقتها حتي لو كنت اضايقت منها عشان اخويا بس مكناش هنخسروها بس اللي حصل ايه خسرتها عمر بحاله
نجوي اللي حصل حصل وكلمه ياريت مبترجعش اللي راح
مها علي رأيك
نجوي المهم الوقت كرم انا قلقانه عليه
مها مش هنكدبوا عليكي انا كمان قلقانه عليه كرم ما شافش شويه ده شاف كتير ويمكن الوقت صډمته اكبر
نجوي مش هيسامحني عمره
مها متقوليش كده يا امي انتي عارفه ان كرم طيب وبيحبك وميقدرش يغضبك ابدا سيبيه انتي بس شويه واول ما يهدي هيرجع لطبيعته الموضوع لسه سخن ولسه الۏجع صاحب شويه شويه وهيهدي ويخف من وجعه
نجوي يارب يا بنتي يارب يريح بالك وقلبك يا كرم يا ابن بطني
مها اللهم امين انا هنطلعوا نلموا الغسيل بتاعه و نغسلوا غيره مش عايزه حاجه مني
نجوي نعوزك طيبه اطلعي وانا هنقوم نشوف الاكل
مها ماشي
طلعت مها تلم الغسيل بتاع كرم وتحط غسيل تاني وتظبطله الشقه
كرم بكر بكر
بكر قول يا صاحبي
كرم هنطلعوا الحمام ثواني وراجع
بكر روح يا صاحبي انا واقف
طلع كرم علي شقته في الوقت ده كانت مها واقفه في البلكونه بتكمل لم غسيل بصت علي بلكونه دره لقتها ناشره غسيلها وغسيل البنات
ابتسمت مها بشړ وجات في دماغها فكره قررت تنفذها بسرعه
مها ماشي يا دره ودين محمد ما هنحلك بتخبي عليا انا وتوجعي اخويا وتوجعيني ما نبقاش مها الرفاعي لو ما اشتغلتلك في الازرق
دخلت مها تدور علي بخاخه لمحت واحده فيها ملمح الزجاج خدتها فضتها وجابت أزازه الكلور فضتها جوه البخاخه
خدت البخاخه وراحت علي البلكونه فضلت تبص شمال ويمين وتلمح لو دره موجوده هي وبناتها واول ما اطمنت ان مفيش حد شايفها مدت ايدها ترش علي الغسيل في بلكونه دره
دخل كرم الشقه وسمع صوت جاب من البلكونه راح بهدوء يشوف مين جوه امه ولا مها لمح مها قاعده تلف في البكره بتاعت البخاخه عشان تختار الرش الاقوي اللي يوصل لبلكونه دره
كرم بتهببي ايه يا مها
اتخضت مها ومسكت قلبها
مها اخس عليك يا كرم وقفت قلبي مالك داخل من غير احم ولا دستور كده ليه
كرم انا داخل شقتي انتي قولي بتهببي ايه
ضحكت مها بطفوله وغمزتله
مها بنروقوا علي غسيل السنيوره وبناتها
كرم ومستعجله علي ايه السماء مغيمه والدنيا شكلها هتشتي والغسيل هيتغرق
مها لا ماهو انا مش بنغرقه
كرم امال بتعملي ايه
مها بضحك ده كلور قولت نغيروا لون الهدوم عشان مش عاجبني
بصلها كرم پصدمه وبعدين فضل يضحك
مها قولنالك مش هنحلها
كرم ايووووه عليكي مره ده انتي دماغك سم
مها احيه يعني تضايق اخويا ونسكتلها
كرم محدش يقدر يضايق اخوكي يا بت
مها والنبي اسكت بقي قال يعني مش عرفاك
كرم وانتي كده فاكره انك بترجعيلي حقي
مها اهو بنعمل اللي يطلع في ايدي واهو نحرقوا ډمها وخلاص
كرم وانتي فكراها هتسكت
مها توريني روحها يا حبيبي تروح فين بنت الجمال مع بنت الرفاعي ودماغها
كرم ماهي ياريتها هتعمل معاكي انتي دي هتفكرني انا اللي عملتها يابنت الهبله وهتردهالي زي ما عملت مع البياعين ومش هنخلصوا
مها بضحك احيه بس بردوا ولا يهمك تعمل اللي تعمله هنردهالها
كرم انتي شايفه كده
مها وابو كده كمان
كرم طيب ادام كده كده بايظه هاتي البخاخه دي كده
مها هتعمل ايه
كرم انا ايدي اطول وبعدين في حبه مرشتيش عليهم
فضلت مها تضحك عليه وقفت هي وهو زي الاطفال يبوظوا في غسيل دره
كرم اه يابت المجانين
مها مفروسه منها يا كرم وهي اللي جابته لروحها
كرم اياك بس متطلعش جنانها بتاع زمان عليكي
مها تطلعه وتسد عليا احنا ورانا ايه
كرم ابدا ولا حاجه جاهزين بعدة الشغل
مها ربنا يسعد قلبك و يريحك يا كرم يا اخويا
كرم ويخليكي ليا يا مجنونه
البنات كانوا بيسمعوا دره وهما مركزين ومصډومين
دارين يا حرام يعني هو مكملش تعليمه ولا قدر يحقق حلمه
دره بحزن لا مقدرش يا دارين اللي انا عملته اثر علي كرم بالسلب
دانه طيب ليه يا مامي مقولتيش ليه كل حاجه ليه تفضلي حاسه بذنبه
طول عمرك
دره وقتها مفكرتش بالطريقه دي وفي نفس الوقت مكنتش اعرف ان جوازي من ابوكم وسفري لما كرم يعرفه هيكون ده رد
فعله كرم طول عمره مجتهد و تحقيق حلمه اهم حاجه في حياته عمري ما تخيلت انه ممكن يسيب كل حاجه بالشكل ده كرم اللي كنت اعرفه او اللي كنت فاكره اني اعرفه ان الضربه مش بتكسره بالعكس بتقويه وكنت فاكره انه مش هيعمل حاجه غير انه يركز في مستقبله وينجح ويثبت للكل انه ثابت زي ما هو بس اللي حصل عكس كل توقعاتي
ديما بس كمان يا مامي بيتهيالي حضرتك ملكيش ذنب في انه ميكملش تعليمه ويحقق حلمه
دارين فعلا يا مامي بطلي تحملي نفسك الذنب علي طول بالشكل ده
دره مش هنكدب علي بعض يا دارين جزء كبير من اللي حصل لكرم انا كنت السبب فيه يعني لو كنت صارحته من البدايه و روحتله هو علي طول كان قدر يفهمني حتي لو كان بيحبني بجد وانا مكنتش حاسه بحبه بس متأكده انه كان هيزعل شويه وخلاص بس هيكمل تعليمه ويوصل لحلمه مكانش عبدالله يومها نزل وعمل مشكله وكرم اللي شالها بداله كان في حجات كتير اتغيرت
دانه متزعليش مني يا مامي انا شايفه ان اكتر حد غلط في الوقت ده هي تيته يعني مش قادره اتخيل اني اجي اقولك اني بحب وحضرتك تجبريني علي شخص تاني حتي لو كان كويس لان في ناس كتير كويسه واكيد مش هتجوز اي حد كويس المفروض اني بختار اكمل مع مين واشارك حياتي مع مين
دارين دانه معاها حق يا مامي تيته فكرت بطريقه غلط هي من وجهه نظرها ان سعادتك كانت هتبقي مع كرم وبس وده مش صح في النهايه هي بوظت حياتك وحياته من غير ما تقصد
دره الناس بتوع زمان ليهم عقليه مختلفه يا بنات الامهات مكانوش بيبصوا للحب والكلام ده كانوا بيشوفوا من وجهه نظرهم انهم يقدروا يختاروا العريس المناسب لبناتهم انا واثقه ان امي بتحبني وواثقه كمان انها مكانتس تقصد توجع كرم لانها طول عمرها بتحبه بجد من قلبها عشان كده بقولكم ان الغلط من البدايه كان عندي انا المفروض لما كنت اتكلم معاها وقدرت اوصل لتفكيرها مكنتش خدت عليه وكنت روحت لكرم علي طول بس للاسف حتي انا عقليتي وقتها كانت مختلفه اتحرجت اقف قدامه ومقدرتش اواجهه واقوله اني مش بحبه
دارين علي فكره
متابعة القراءة
