رواية ابن ليل لـ اميرة اسامة

ببنات عمتي واخواتي دارين الكبيره بتدرس هندسه
سماح اهلا يا دارين
دارين اهلا بيكي يا سماح
حسن ديما ودانه توأم وفي اولي إداره اعمال
ودي سماح يا بنات جارتي وبنت منطقتي وحبيبتي كمان
ابتسمت سماح وقلبها كان بينط من الفرحه 
دانه هاي يا سماح
ديما هاي يا سماح
سماح هاي يابنات إن شاء الله تتبسطوا معانا في الجامعه

دارين بتدرسي ايه يا سماح
سماح انا بدرس آداب فلسفه
دارين حلو اوي 
حسن سماح البنات من اللحظه دي بقوا في حمايتك انتي عارفه انا مش بنزل علي طول وعارف انك هتخلي بالك منهم
سماح اطمن هيبقوا في عيني ومحدش هيقدر يضايقهم
حسن طيب تعالي نوصلهم بقي عشان محاضراتهم وبعد ما يخلصوا نقعدوا مع بعض وتتعرفوا اكتر
سماح تمام يلا بينا
حسن بنقولك ايه مشوفتيش محمد واحمد
سماح لا شوفتهم الصبح كان عندهم محاضرات بس منعرفش راحوا فين
حسن خلاص نوصل البنات وبعدين نشوفوهم
سماح تمام يلا بينا 
وصلت دره للمستشفي في البدايه كانت متوتره شويه خدت مع رئيس القسم جوله كامله في المستشفي اتعرفت علي حالات المړضي الموجودين بدأت تدون معلومات مهمه عن حالات المړضي
اتعرفت علي زمايلها من الدكاتره واتعرفت علي طاقم التمريض اللي هيكون معاها ديما بدأت شويه شويه تهدأ والتوتر يروح وتتأقلم كانت حاسه براحه غير طبيعيه بعد ما رجعت شغلها اللي انقطع ثلاث سنوات في البدايه كانت خاېفه الانقطاع ده بأثر عليها في الشغل بس بمجرد ما عرفت حالات المړضي حست كأنها كانت لسه لحد امبارح بتمارس مهنتها وده طمنها كتير
كانت حاسه باهتمام كبير اوي من الكل زمايلها من الدكاتره كانوا محترمين جدا محستش للحظه ان حد فيهم ممكن يسببلها اي مضايقات بالعكس الكل رحب بيها بطريقه جميله
بعد ما خدت جوله كامله واستلمت شغلها راحت علي الحجره الخاصه بيها و عرفت مكتبها
اتصلت عليها دعاء في الوقت ده
ابتسمت دره وبسرعه ردت ولكن سكتت شويه اول ما سمعت صوت نبيله حست ان قلبها هيخرج من مكانه من كتر الفرحه
دره ايوه يا دودو
نبيله انا مش دعاء يا دره
دره امي
نبيله انتي كويسه 
دره فضلت دموعها تنزل بغزاره قامت وقفت علي الشباك عشان و مكانتش عارفه تتكلم
نبيله بقلق دره
دره انا كويسه يا امي متقلقيش
نبيله بټعيطي ليه طيب
دره اول ما جيت المستشفي كنت متوتره وقلقانه وخاېفه وللحظه حسيت اني عايزه اسمع صوتك
نبيله بأبتسامه من وسط دموعها ومكلمتنيش ليه
دره خۏفت مترضيش تكلميني 
نبيله و اديني بنكلمك اهو وبنطمنوا عليكي بنفسي كل حاجه كويسه معاكي
دره اكيد بعد ما سمعت صوتك بقيت كويسه اكتر
نبيله بحب خدي بالك من نفسك وركزي في شغلك ومبروك يا دره
دره الله يبارك فيكي يا امي
نبيله عايزه حاجه
دره عيزاكي طيبه 
نبيله سلام يا دره
دره سلام
قفلت دره وحطت الموبايل علي صدرها وفضلت دموعها تنزل وهي مبتسمه وقلبها بيدق بفرحه 
خدت نفس طوييييييل كله راحه وبعدين مسحت دموعها وظبطت نفسها وراحت علي مكتبها بنشاط وفضلت تراجع تاني في حالات المړضي المحجوزين في المستشفى 
بعد وقت بسيط خرجت دره من اوضتها بعد ما لبست البالطوا الابيض وعلقت السماعه وبدأت تاخد هي جوله بنفسها علي المستشفي وراحت غرقه الطوارئ تشوف لو الدكاتره محتاجين مساعده كانت مشتاقه جدا انها تبدأ شغل وتعالج المړضي بصت دره في اخر الطرقه وبعدين بصت تاني قدمها وفجأه رجعت تاني بصت علي اخر الطرقه 
دره عبدالله
مشيت دره بسرعه ناحيته اول ما شافها لف ضهره بسرعه وكان خارج من المستشفي
دره جريت كام خطوه وهي بتنادي عليه عبدالله عبدالله
وقف عبدالله وغمض عينه واتنهد تنهيده طويله وبعدين لف ضهره وبصلها
دره عبدالله في ايه انت كويس يا اخويا فيك حاجه
عبدالله بإرتباك مسح علي جبهته لا انا انا بخير
دره طيب في ايه امك وابوك كويسين
دعاء فيها حاجه ما تنطق يا عبدالله وقعت قلبي
عبدالله بهدوء اهدي مفيش اي حاجه
دره امال انت هنا بتعمل ايه 
عبدالله بنظره حزن ابتسم بص بعيد عن عينها وبدأ كلامه لما كنتي في ثانويه و قولتي انك هتدخلي طب وفضلتي تذاكري و تسهري عشان تحققي حلمك كنت فرحان اوي وبقينا نحلموا باليوم اللي هنشوفوكي فيه دكتوره
دره 
عبدالله يمكن انا طول عمري الدراسه مش في دماغي اوي يعني كانت بالنسبالي مجرد شهاده وفي النهايه انا عارف مصيري يعني جزار أبا عن جد بس كنت فرحان بيكي فرحان بأختي الصغيره وبنتي انها هتبقي دكتوره كنت لما بنقف مع اي حد نقوله اختي الصغيره هتبقي دكتوره وفضلت احلم باليوم اللي هنشوفك فيه متخرجه من الجامعه ومعاكي الشهاده وبتشتغلي بيها
بصلها عبدالله وهو عينه فيها دموع وابتسم
وانهارده لما عرفت انه اول يوم ليكي في الشغل مقدرناش نمنعوا روحنا نشوفك وانتي لابسه البالطو الابيض
ابتسمت دره من وسط دموعها وبسرعه اترمت في 
اختفت دره جوه حضڼ عبدالله اللي بسرعه لف دراعاته عليها ونزلت دمعه منه سريعه علي وشه ابتسم عبدالله ومسح دموعه
عبدالله ايه يا دكتوره هتفرجي الخلق علينا 
دره وحشني يا عبدالله وحشتني ريحتك كل حاجه فيك وحشتني يا ابن ابويا
عبدالله مش اكتر مني يا دره سامحيني يا حبيبتي عارف اني غلطت في حقك وحق صاحبي بس مكناش نقصد وحتي لو جيت عليكي من غير ما نحس لازم تعرفي اني بحبك كلامك فوقني يا دره وعرفني قد ايه انا غلطت في حقكم
دره اسكت خلاص انا مسمحاك يا حبيبي ومش زعلانه منك كفايه انك بخير وجنبي انسي يا عبدالله وخلينا نرجع زي زمان واحسن هنقدر يا عبدالله صح
عبدالله هنقدر يا دره كل حاجه هتبقي احسن من الاول وهنعوضوا مع بعض السنين اللي اتسرقت مننا
دره وحشتني يا عبدالله دخلت جوه تاني فضل يطبطب عليها وبعدين ضحك
عبدالله يابت هتضيعي هيبتك وهيبتي قدام الخلق يلا ظبطي نفسك وروحي في عيانين محتاجينك ولينا كلام كتير مع بعض في البيت
دره مش عايزه اسيبك
عبدالله يابت بطلي شغل العيال ده لسه طفله زي ما انتي يادره حتي بعد ما كبرتي
دره بضحك من بين دموعها كبرت في عينك انا لسه صغيره
عبدالله الشهاده لله صغرتي اكتر واللي يشوف بنانك معاهم يقول اخواتك يابت دول اطول منك 
دره المهم اني قدهم سيبك من الطول ده خالص متعصبنيش
عبدالله بحب حط ايده علي شعرها طيب يلا حبيبتي روحي لشغلك وخليني نروح نشوفوا شغلنا
دره حاضر هشوفك في البيت
عبدالله ماشي هنستناكي يا قلب اخوكي
ابتسمت دره ليه بحب وبعدين مشيت كام خطوه
عبدالله دره
بصتله دره 
عبدالله انا جنبك وهنفضلوا جنبك وبنحبك يابت
ابتسمت دره بحب وهزت راسها
دره وانا بحبك اوي
مشي عبدالله وفضل قلب دره يدق پعنف عينها كانت بتطلع قلوب اليوم بدأ معاها بطاقه ايجابيه كبيره مكالمه نبيله وزياره عبدالله اللي متوقعتهاش
كل دي حجات فرحت قلبها وخلتها تحس بالراحه والامان اللي كانت مفتقداه في غيابهم عنها دعمهم ليها في اليوم ده بالذات فرق معاها كتير
وفجأه وهي سرحانه في فرحتها بزياره عبدالله لفت وراها علي صوت ام بتصرخ وجنبها اب شايل طفل عنده حوالي تسع سنين وشه ازرق وبيتخنق
الام الحقونا بسرعه ابني بيموووت
الاب حد يلحقناااااا
جريت عليهم دره بسرعه وبصت بسرعه للطفل وبصوت عالي
دره عايزه ترولي فورا
ايه اللي حصله
الاب منعرفش انا طلعت من الدكان علي صوت مراتي وهي بتصرخ
الام وشه ازرق ونفسه اتقطع وبقي يشد في هدومه كأن في حاجه مانعه الهواء عنه
كانت دره بتجري مع التمريض وهي بتسمعهم
دره اول مره يحصله كده
الام ايوه بس هو كان تعبان بقاله اسبوعين عنده التهاب شديد وصديد في زوره
بصتلها دره وطمنتها متقلقيش
الام ايدك يا دكتوره ساعديه انا محلتيش غيره في الدنيا وشايلها الرحم يعني مش هقدر اجيب غيره
هزت دره راسها بهدوء 
دخلت بسرعه وراهم علي غرفه الطوارئ حاولت تسعف الولد وحطوا علي جهاز تنفس صناعي بس مكانش بيستجيب نبضه بيضعف وتقريبا بيفقدوا خلاص
وقفت دره ثواني حاسه ان دماغها بتقف الولد لازم يدخل العمليات فورا وهي مش مستعده تماما انها اول ما تبدأ ترجع شغلها تدخل عمليات كده علي طول كانت مړعوبه وخاېفه تفقد الطفل وفي نفس الوقت مش حاجه كويسه ليها في اول يوم شغل
خدت نفس وبعدين قررت تجازف عشان تلحق الطفل حتي لو اخر يوم ليها بصت دره للدكتور بتاع
الطوارئ
دره الولد لازم يدخل عمليات حالا محتاج شق حنجري فورا عشان الهواء يوصل للرئه وإلا هنفقده عايزه دكتور جراح معايا حالا
الدكتور للاسف كلهم في عمليات والدكتور الجراح مش موجود الوقت وعلي بال ما يقطع اجازته ويجي الولد هنفقده مفيش غيرك يا دكتور
بصتله دره وحست انها اتورطت بس مسكت نفسها
دره اوك افتحوا اوضه العمليات بسرعه حالا
خرجوا بالولد بسرعه الممرضه ايدها علي جهاز تنفس يدوي
الام والاب بيجروا وراهم مش فاهمين في ايه
الاب يا دكتوره طمنينا بالله عليكي
دره اطمنوا بس لازم يدخل عمليات حالا دخلت دره غرفه التعقيم واتقفل الباب
كان التمريض جاهز نقلوا الولد علي سرير العمليات علقوا المحاليل والكانولا وصلوا بكل الاجهزه
اللازمه
دخلت دره بسرعه مسكت مقص قصت هدومه وبعدين مسكت آداه حاده حطت ايدها علي حنجره الولد وخدت نفس طويل وبعدين غرزته في حنجرته عملت فيها ثقب
التمريض كله والدكتور اللي دخل ساعدها كلهم كانوا مصډومين اول مره يحصل قدامهم عمليه شق حنجري
بصت دره علي الجهاز وفجأه ابتسمت اول ما الولد رجع ياخد نفسه طبيعي
الدكتور النفس رجع يا دكتور
دره الحمد لله بدأت دره تكمل العمليه بتاعتها بهدوء بعد ما رجعت تمالكت اعصابها عدي حوالي ساعه ونص وبعدين خرجت جري عليها الاب والام
الام ابني يا دكتوره ابني كويس
الاب طمنينا يا دكتوره
دره متقلقوش زي الفل الحمد لله الولد كان عنده إلتهاب حاد في زوره قلب معاه بكميه صديد كبيره جدا الصديد للاسف كون تكتلات كبيره في الحنجره سدت مجري الهواء تماما وده طبعا محصلش في يوم ولا يومين هو من بدايه ما تعب متعالجش صح
الاب انا مودتهوش لدكتور انا جبتله علاج من الصيدليه
دره مش صح الصيدليه نجيب منها مسكن نكرر دواء لكن منجبش منها علاج قبل تشخيص الحاله وواضح انه كان بياخد مضاد حيوي المضاد ده للاسف مكانش لحالته ابنكم لو مكنتوش لحقتوه كانت الرئه بتاعته هتقف تماما لان زي ما قولت المجري الهوائي عنده كان مسدود بسبب الصديد اضطريت اعمله شق حنجري بيبقي ثقب بسيط في الحنجره عشان الرئه ترجع تشتغل تاني وعملناله شفط للصديد اللي كان محجوز في الحنجره
الام يعني ابني هيبقي كويس
دره متقلقيش عليه هو احسن كتير
الاب طيب والشق الحنجري ده هيأثر عليه
دره اطمن في البدايه بس هيحس بصعوبه وتعب في الكلام ممكن صوته يتغير شويه بس مع الوقت والتمارين هيرجع احسن من الاول المهم الوقت العلاج اللي هيمشي عليه عشان نقضي خالص علي الالتهاب وميحصلوش بكتريا هو هيتحجز معانا هنا كام يوم تحت الملاحظه انهارده وبكره هيفضل في الرعايه ولما حالته تستقر هيدخل اوضه عاديه المهم اطمنوا عليه هو بخير وياريت اي وقت يتعب تروحوا بيه علي الدكتور بلاش تستشيروا الصيدلي لان مهما كان هو خبرته محدوده في التشخيص
الاب ان شاء الله يا دكتوره ربنا يبارك في حضرتك
وطت الام علي ايدها عشان سحبت دره ايدها بسرعه وطبطت علي كتفها
الام جميلك في رقبتي ليوم الدين
دره انا معملتش حاجه ده شغلي الف سلامه عليه ربنا يشفيه ويطمن قلبك عليه شويه وهاجي اطمن عليه بعد اذنكم
راحت دره علي