دنيا بقلم نشوى خالد

انا اسف يا دنيا انا مش هقدر اكمل معاكى عقلى رافض يستوعب ان مراتى المستقبلية 
كلماته نزلت ع سمعها كالصاعقة وعيونها كانت ع ايده اللى بيقلع منها الدبلة وبيحطها ع الترابيزة وكمل بنفس القسۏة بالنسبة للشبكة خليها ليكى بيعيها واعملى بيها عملية امك انا مسامح فيها 
انهت حوارها وقلعت الدبلة من ايدها وطلعت علبة قطيفة كانت بشنطتها وفيها الشبكة حطت فيها الدبلة وقالت شبكتك اهى كنت ماشية بيها دايما لان عارفة ان دى النهاية وياريت متحطش الحق ع موضوع منتهى بقاله سنين قول انك ابن امك وماشى بمشورتها وانك ببساطة شديدة مش راجل ولا اد كلامك واصلا كويس انها جات منك انت لان انا اصلا ميشرفنيش اكمل مع واحد زيك

حطت الشبكة ع الترابيزة وخرجت من الكافيه ولاحظ عامر نظرات الموجودين ليه ومنهم واحد كان قاعد وسط مجموعة شباب وقال والله بنت ب ١٠٠ راجل وخسارة فيه
اتحرج عامر من الكلام وخصوصا ان كل الموجودين اكدوا ع كلام الشاب ونظروا ليه نظرة احتقار اخد الشبكة وخرج هو الاخر ركب الموتسيكل بتاعه ومشى اما دنيا اخدتها رجلها فى مكانها المفضل ع النيل قعدت ع استراحة واطلقت لعيونها الحرية بأنها تنزل دموعها
دنيا بحزن وبصوت داخلى مع نفسها ياربى هو انا مش مكتوبلى افرح أبدا دى تالت مرة اتخطب ومتمش لنفس السبب هما ليه بيعملوا كده! ده انا بصارحهم من البداية اصلا مش بيعرفوا من برة يارب ده انت اسمك الغفور الرحيم ليه عبادك قاسين كده !
خرجت كل الطاقة السلبية وحزنها بدموعها بصت بساعتها ولقت نفسها اتأخرت ع امها خصوصا انها مريضة قلب ولها ادوية فى اوقات معينة مش بتاخدها الا من ايد دنيا رجعت دنيا ع البيت ولقيتها قاعدة بتقرأ بالمصحف رسمت ابتسامة ع وشها ودخلت عليها
دنيا ست الكل روح قلبى وحشتينى يا نوجة
نجاة وانتى كمان يا قلب نوجة اتأخرتى كده ليه كنتى مع عامر مش كده!
دنيا محاولة تغيير الموضوع بقولك ايه انا واقعة من الجوع وطبعا حضرتك لا اكلتى ولا اخدتى علاجك صح!
نجاة هو انا بعرف احط لقمة فى بطنى الا لما اتأكد انك اكلتى وشبعتى
دخلت دنيا ع اوضتها جرى وقعدت ټعيط وهى كاتمة صوت شهاقتها عشان امها متسمعهاش استجمعت قوتها وغيرت هدومها ودخلت المطبخ جهزت الاكل وحطيته ع السفرة وراحت جابت مامتها واكلوا ولاحظت نجاة ان الدبلة مش فى ايدها
نجاة بتساؤل فين دبلتك يا دنيا!
دنيا وهى محتارة تقول ليها ايه هو بصراحة يا ماما انا وعامر متفقناش وسيبنا بعض
نجاة بدموع يا مصيبتى ليه يا بنتى ايه السبب ده تالت عريس تفسخى خطوبتك معاه! ايه السبب
دنيا عشان مليش خير معاه يا امى تفتكرى كده احسن ولا لو كنت اتدبست فى واحد فيهم واخدت لقب مطلقة انتى مؤمنة وعارفة ان ربنا سبحانه اسمه العدل وقال فى كتابه العزيز وعسى ان تكرهوا شيئا وهو خير لكم وعسى ان تحبوا شيئا وهو شړ لكم
نجاة بحزن صدق الله العظيم بس انا بجد مستغربة اشمعنا انتى اكيد معمول ليكى عمل
دنيا بضحك عمل ايه بس يا ماما وحتى لو عمل زى ما بتقولى ده قدرى وربنا كاتبه ليا من يوم ما اتولدت والناس دى مجرد سبب لتنفيذ الامر الالهى ده
نجاة وهى بتطبطب
بحنية ع خدها ربنا يقوى ايمانك يا حبيبتى ويسترك دنيا واخرة ويبعد عنك ولاد الحړام والمؤذيين ويرزقك بابن الحلال اللى يهنى خاطرك ويكون ليكى سند يا بنت قلبى
دنيا الله احلى دعوة اقسم بالله يلا بقا يا ست الكل عشان تاخدى علاجك واه عندك ميعاد بكرة عند الدكتور
دخلت دنيا جابت العلاج لامها وخرجت اعطته لها فسألت نجاة هو محمد اخوكى مكلمكيش!
نجاة بدموع من يوم ما اتجوز وسافر برة وانا لا شوفته ولا سمعت صوته نفسى اشوفه هو وولاده قبل ما اموت عشان اوصيه عليكى
دنيا پخوف وصوت عالى
ايه اللى بتقوليه ده يا ماما بعيد الشړ عنك انتى ليه مصممة تضايقنى وتعكننى عليا انا مليش غيرك فى الدنيا دى بعد ربنا
نجاة يا بنتى المۏت علينا حق وحقك عليا يا نور عينى مش هقولك كده تانى
دنيا عيطت انا اسفة انى عليت صوتى عليكى يا ماما بس انتى عارفة انا بخاف اد ايه لما بتقوليلى كده
مسحت نجاة بايدها ع شعرها وطلبت منها تدخلها اوضتها عشان تنام وراحت دنيا تنام جنبها زى كل يوم لكنها اتفاجئت بيها بتقولها انتى رايحة فين!
دنيا هنام جنبك يا ست ماما عندك مانع
نجاة ااه روحى نامى فى اوضتك وانا لو احتاجت حاجة هنادى عليكى
دنيا باستغراب يا سلام وده من امتى ولا زهقتى منى!
نجاة حد يزهق من روحه يا بت بس انا بصراحة عاوزة انام لوحدى النهاردة اول مرة من يوم ۏفاة ابوكى احس انى مرتاحة ومش تعبانة ولا فيا اى ۏجع
دنيا بابتسامة الحمدلله يا حبيبتى ماشى تصبحى ع خير
قامت دنيا ودخلت ع اوضتها عدى اليوم وصحيت دنيا ع صلاة الفجر ودخلت ع امها عشان تصحيها فلاقيتها ساجدة سابتها وراحت تصلى ولما خلصت دخلت عشان تطمن عليها لقيتها لسه ساجدة قعدت جنبها شويه لكنها طولت فى السجود وده خوف دنيا فضلت تنده عليها مجاوبتش بتحركها بايدها فجأة وقعت ع جنبها وقاطعة النفس وووووو 
دخلت دنيا ع والدتها بعد الصلاة عشان تطمن عليها لقيتها ساجدة ومطولة فى السجود وده خوف دنيا جات تحركها وقعت ع جنبها وهى قاطعة النفس وللحظة تجمد الډم فى عروقها بسرعة جريت واتصلت ع الدكتور اللى متابع حالة مامتها ووصل بسرعة وبعد الكشف
دنيا پخوف خير يا دكتور
الطبيب بحزن انا اسف يا بنتى البقاء لله والدتك اټوفت شدى حيلك
حست دنيا ان الارض بتلف بيها والدنيا بتسود قصادها وقعت من طولها فاقدة الوعى ولما فاقت لقت نفسها بالمستشفى
دنيا بصړاخ ماماااااااااا امى فين ردوا عليا ماما راحت فين حرام عليكو
الدكتور اهدى يا بنتى انتى بقالك اسبوع فى غيبوبة ووالدتك ادفنت من يومها
دنيا يعنى ايه يعنى خلاص
ماما مشيت وسابتنى ده انا مليش حد فى الدنيا دى بعد ربنا غيرها ليه كده بس ليه يارب يارب
الدكتور يا بنتى حرام متقوليش كده محدش فينا معصوم من المۏت لكل اجل كتاب والحقيقة ان مامتك كانت ست طيبة دى ماټت وهى بتصلى والمرء يبعث على ما ماټ عليه يعنى امك ان شاء الله فى الجنة بدل ما تزعلى افرحى وخافى ع نفسك انتى وفوقى بقا وعيشى حياتك
دنيا ونعم بالله انا لله وانا اليه راجعون
الدكتور ع فكرة اخوكى رجع من السفر وبيجى كل يوم يطمن عليكى واكيد ع وصول
دنيا باستغراب اخويا! محمد 
صوت من الباب ايوة محمد يا دنيتى حمدالله ع السلامة
خرج الدكتور دنيا ابعد عني
محمد پصدمة ليه كده يا دنيا هو انا موحشتكيش!
دنيا بضحك هستيرى بقولك ايه يا محمد اللى ملوش خير فى امه ملوش خير فى حد تانى اتجوزت وخلفت وسافرت ومهانش عليك حتى تبعت رسالة تطمن امك اللى قلبها اتحرق عليك وانت عايش وكنت بضطر اكذب عليها كل يوم وافهمها انك بتكلمنى وبتسأل عنها
محمد بلاش تقسى عليا يا دنيا انتى متعرفيش الظروف اللى كنت فيها
دنيا ظروف! ظروف ايه دى اللى تمنعك من انك ترفع سماعة فون ع امك وانت عارف انها مريضة قلب اقولك انا ايه الظروف دى السنيورة مراتك
مش كده !
محمد دنيا لو سمحتى متدخليش ملك فى كلامنا المهم انتى احسن دلوقتى!
دنيا الحمدلله عاوزة اخرج من هنا عاوزة ازور ماما واروح ع البيت
محمد هسأل الدكتور الاول ينفع تخرجى النهاردة ولا لا
خرج محمد وسأل الدكتور اللى وافق انها تخرج وبالفعل اخدها محمد للمقاپر وزارت والدتها ووالدها وبعدها روحت ع البيت واتفاجئت بمرات محمد وولاده فى الشقة
ملك حمدالله ع سلامتك يا دنيا
دنيا بجمود الله يسلمك
ملك طب يلا ادخلى خدى شاور وتعالى اتغدى انا عاملة ليكى اكل يستاهل بوقك العسل
دنيا شكرا مش عاوزة اكل محتاجة انام بس عن اذنكم انا هدخل انام فى اوضة ماما
دخلت دنيا ع غرفة امها وتابعتها نظرات ملك اللى كانت هتطق من الغيظ
ملك شايف اختك بتعاملنى ازاى ده جزائى يعنى
محمد ممكن تهدى لان هى حزينة ع ۏفاة ماما وكمان لسه خارجة من المستشفى
ملك وانا ان شاء الله مضطرة استحمل كه كله لحد امتى ان شاء الله
محمد لحد ما نوصل للى عايزينه ونقنعها تبيع البيت عشان ناخد نصيبنا ونعمل المشروع اللى بنحلم بيه
ملك ان كان كده انا موافقة استحمل يا بيبى
محمد كده تعجبينى يا بيبى
كانت دنيا واقفة ورا الباب وسامعة كلامهم ومتصدمتش كتير باللى سمعته دنيا فى نفسها ايوة كده وضحت نيتك يا محمد بيه
انت راجع عشان تبيع البيت ده حقك ومقدرش اقف ضدك بس انت حتى مفكرتش فيا ولا فى مصيرى وانك المفروض تكون سندى بس السند هو الله
راحت دنيا ورمت نفسها ع السرير وهى بتفكر هتعمل ايه تانى يوم صحيت دنيا ع صوت خبط ع الباب وكانت خبطة صغيرة فتحت ولقيتها جودى بنت اخوها
جودى عمتو بتقولك مامى الفطار جاهز
نظرت لها دنيا بدموع ونزلت لمستواها انتى اسمك ايه يا قمرى!
دنيا اسمى جودى يلا بقا تعالى عشان نفطر
مشيت جودى ودمعت دنيا وهى بتقول لنفسها حرام عليك يا محمد والله تفرقنا كده وتحرمنى من وجودك انت وعيالك بس هقولك ايه ولا هنتظر منك ايه
دخلت دنيا غسلت وشها وخرجت فطرت معاهم عادى ملك بخبث ها يا دودو عجبك اكلى
دنيا بتهكم ع فكرة دى جبن وسلطات مش طبيخ عشان تقوليلى عجبك اكلى
محمد بضحكة خبيثة يخربيت عقلك يا دودو غاوية هزار كده دايما
دنيا محمد كنت عاوزاك فى موضوع مهم اوى
محمد خير يا قلبى
دنيا بصراحة كده انا بفكر اننا نبيع البيت ده ايه رأيك !
محمد بص لملك اللى حاولوا يداروا فرحتهم وحاول يكمل بجدية ايه اللى بتقوليه ده يا دنيا بيت ايه اللى نبيعه! انتى ناسية ان دى الحاجة الوحيدة اللى باقية من ريحة بابا وماما الله يرحمهم
دنيا بتنهيدة لا مش ناسية بس اللى عارفاه كويس ان لو قعدت هنا هتعب نفسيا لو انت عاوز البيت ميتبعش انا موافقة
محمد بسرعة لا انا اهم حاجة عندى دلوقتى راحتك انتى يا حبيبتى
دنيا تمام شوف سمسار او مشترى كويس للبيت وخد حقك واعطينى حقى بما يرضى الله عن اذنكم هدخل اريح شويه
دخلت دنيا ولما اتأكدوا انها قفلت الباب ضربوا
كفوفهم مع بعض
وقالت ملك انا مش مصدقة بجد انها جات منها هى
محمد والله ولا انا كنت مفكر انها هتقفلى زى العقدة فى المنشار ووقتها كنت
هعمل حاجات