اسكربيت للكاتبة رحمة طارق

حد وإن الدنيا حلوة وأحنا لوحدنا وأجمل لو مشينا خطواتها مع حبايبنا.
بابا نزل يجيب حاجة من تحت وجاي يا ماما. 
طيب يا سكن تعالى اعملي الواجب الي وراكي.
اسمه homework ياماما.
دي مادة أية 
عربي
اسمها لغة عربية ولما نذاكر اللغة العربية يبقى عيب لما ندخل كلمة إنجلش في النص اتفقنا 
بس أصحابي.. 
اصحابك حلوين بس كل بيت وله قواعد وبعدين أنك تكوني مختلفة دا خليكي أجمل صح 
صح.
زين بقى بابا خلاص حد يصدق إن الرجل العابث دا بقى أب ومحتاجين منه التقويم والحزم والشدة طبعا لا. 
مش ورانا مذاكرة مخلصتش 
بابا قال العبي شوية.
طبعا راس الفساد الي سايب الحبل مقطوع أصلا وكل لما اقوله البنت كذا يقولي مالها قلب أبوها
هي موتني ... في حبه.
زين. 
بص في اللاب توب نعم.
طبعا مقموص بسبب خناقة امبارح ماهو مستهتر بيزعل من الاعتراف ليه 
انت زعلان مني 
لا. 
طيب مش هتاكل 
لا 
ولا هتنام 
لا 
هتبقى زومبي يعني 
مردش فوقفت قصاده لحد ما رفع عينيه.
متزعلش.
ادخلي نامي. 
خلاص والله اخر مرة أعلي صوتي. 
نامي.. اتفضلي نامي. 
حاضر هنام هتخمد يارب تنام وتصحى مڤزوع على كابوس. 
طيب. 
مشيت كام خطوة ورجعت تاني. 
خلاص بقى بالله أنت قماص كدا لية 
قعدت جنبه بدون ما يقول فقال بهدوء 
ماشي خلاص. 
أية خلاص الباردة دي يا جدع لاغيني قولي كلمة حلوة صالحني اقولك جملتك قدرني.
كتم ضحكته وقال بثبات مش كنت مستهتر 
مين الي قالك كدا هو فيه حد في قوة شخصيتك ولا في حزمك الأبوي وتربيتك العالية يارب الي قالتلك كدا تحلم بكوابيس زي الزفت على دماغها. 
لا بعد الشړ على حبيبتي. 
ابتسمت بلهفة ومزاج رايق وفجأة وشي قلب.
ملبوسة والله قولتلها من البداية. 
وقفت دلوقتي حبيبتك لكن كل شوية قلب بابا عين بابا كبد بابا ودلع بايخ وعلاقة أبوخ بينك وبين بنتك أية هو مفيش حد غيرها ولا اية 
اووووه ماما بتغير 
وقفت وقلت وانا ماشية لا يا روحي ماما هتروح عند باباها يدلعها يومين وترتاح من فقع المرارة دا. 
جري ورايا تعالي بس يا مامي الحزينة قصدي الجميلة تعالى هقولك كلمة.
النقطة التاسعة المسامحة.
كلنا بنغلط كلنا بنمر بلحظات صعبة بننسى فيها قواعد معينة وأصول ثابتة فمهما كنا راجل أو ست محتاجين صبر طاقة احتواء مسامحة بعد وعد أنها مش هتكرر.
ومع أنها ممكن تكرر بس أكيد الدنيا هتبقى وحشة اوي لو بعدنا عن بعض.
طلعت برا ومستحملتش أقف في القاعة أكتر من كدا وانا عارفة إني هروح من غيرها وإن خلاص هيكون ليها بيت جديد وحياة جديدة والحكاية قربت تنتهي.
كنت عارف إن هلاقيك هنا. 
تعالى يا زين. 
برضو عياط برضو عياط بنتك بتتجوز يا نكدو.
البيت هيكون وحش أوي من غيرها.
حضڼي بدون رد
وانا غمضت عيني وعيطت بهدوء. 
دي مش النقطة العاشرة لا دي نهاية الحدوتة. 
شريط حياتي مر قصاد عيني في ثواني نقاش الحقوق تفاصيل الخطوبة فستان الفرح ونظرته الي متغيرتش على مدار سنين طويلة صدمات الجواز وتجاربه الحمل والولادة واول يوم مدرسة السهر لما البنت تعيا وخناقات الواجب وكوباية الشاي الصبح وترويق الشقة يوم الجمعة كفريق جماعي الفوطة المرمية فوق كتفه بإهمال ومساء الخير يا حلو.
فاكر يازين فاكر أول مرة قعدنا فيها سوا 
ضحك ضحكة قصيرة مناقشة الحقوق. 
كانت مهمة. 
زي ما قولتلك زمان زي قولت لبنتك لما جالها عريسها الحقوق كدا كدا موجودة كلنا مؤمنين وكلنا عارفين الي لينا والي علينا أيوة فيه ناس بتهرب فيه ناس بتنكر بس مهما لفينا المشاكل والاختلافات مش هتتحل غير لما نرجع للأصل ولما نرجع ونشوف ربنا قال أية ونطبق كلامه ساعتها مش هيكون لا قلق ولا خوف لأي إنسان. 
الجواز حب. 
الجواز رحمة يا رحمة.
رفعت راسي وبصتله وحسيت إني رجعت صغيرة تاني وبقع في الحب من جديد. 
هو انا قولتلك قبل كدا إني بحب كلامك 
حبيني كلي أنا أتحب.
يا مغرور. 
براحتي يا جميل. 
رحمة_طارق
حكاوي_زين