انتمي اليك

طلب خالد 
_ تيتا حضرتك عارفه إن خالد بالنسبالي ايه هو اخويا 
_ هو مش اخوكي يا روان فكري بالعقل هو الوحيد اللي هيخاف عليكي ودايما بيسأل عليكي عارفه انا كنت بتمناه ليكي من زمان انا مش هعشلك كتير يا حبيبتي
اتكلمت بدموع وحضنتها_ بعد الشړ عليكي يا تيتا متقوليش كده انا من غيرك اموت 
طبطبت عليا _ العمر كله ليكي يا روان بس انا عايزاكي توافقي على خالد مش هتلاقي في الدنيا كلها سند زيه بعد ربنا
سكت ومعرفتش ارد بعد شوية دخلت نمت بس مش عارفه انام بجد قومت تاني يوم لبست وطلعت لقيت تيتا قاعدة
_ تعالي كلي يا روان 

_ لا يا تيتا بجد متأخره 
_ ماشي يا روان بس هستنى منك موافقه على خالد
نزلت بسرعه وانا متلغبطه طول اليوم مشتته ومش عارفه اوصل لحاجه خالص تايهه بجد مستر نادر طول اليوم وهو متجنبني وانا مش عارفه بيعمل كده ليه انا عملتله حاجه .
روحت البيت لقيت تيتا قاعدة دخلت وبوست راسها 
_ عامله ايه يا تيتا 
_ الحمدلله يا روان انتي عامله ايه
_ الحمدلله
_فكرتي صح خالتك اتصلت عشان تطمن بتقولي بعد الجواز هنبقى كلنا مع بعض
كانت بتبصلي برجاء فبصتلها بتوهان وهزيت راسي 
_ انا موافقه يا تيتا
بصلي بفرحه وحضنتني وبعدها دخلت وهي دخلت اتصلت ب خالتي تاني يوم روحت الشغل وكنت قاعده على المكتب موبايلي رن 
_ ايوه يا تيتا ايه يا حبيبتي 
_ خالد هيجي النهارده بعد المغرب عشان تجيبوا الشبكه متتاخريش يا روان 
_ مش كده بسرعه يا تيتا 
_ خير البر عاجله يا بنتي سلام
قفلت وانا بصيت للموبايل بذهول بعدها دخلت ل مستر نادر 
_ بعد اذنك يا مستر نادر انا كنت جايه اقولك على حاجه 
بصلي بابتسامه_ وانا كمان يا روان اتفضلي الاول قولي وبعدها انا هقولك عايز ايه 
هزيت راسي_ لا اتفضل حضرتك
ابتسم_قولي الاول كنتي عايزه ايه عشان اقول بعدك 
_ يعني ممكن امشي بدري النهارده
بصلي باستغراب وابتسم_ اول مره تطلبي الطلب ده بس خير فيه حاجه 
_ لا هروح اجيب شبكتي النهارده عقبالك يا مستر
بصلي والصدمه ظهرت على وشه وبعدها قام وقف
_ هتتخطبي ولمين بقى إن شاء الله
_ ل خالد ابن خالتي
هز رأسه وبصلي بجمود 
_ تقدري تروحي ولو عايزه من دلوقتي
مش عارفه ليه إجابته صدمتني هو انا كنت متوقعه غير كده _طيب حضرتك كنت هتقول ايه
بصلي وحسيت بخيبة أمل في صوته_ خلاص بقى يا روان اتفضلي روحي
خرجت وقعدت شوية على المكتب وانا حاسه بۏجع في قلبي مش عارفه سببه ايه بعد شوية روحت كده كده خدت الاذن دخلت عند تيتا كانت مبتسمه 
_ جيتي بدري النهارده يعني 
_ خدت إذن وجيت يا تيتا 
_ طيب كويس ادخلي جهزي نفسك لحد ما خالد وخالتك يوصلوا
دخلت وبدلت هدومي وبعدها سمعت صوت خالد برا وخالتي طلعت عندهم قربت من خالتي فحضنتني 
_ يلا يا روان عشان نمشي
نزلت انا و تيتا و خالتي كنت ساكته طول الوقت و خالد كمان مش بيتكلم خالص وصلنا المحل ووقفت قدام الشبكه وكنت سرحانه زي ما يكون نادر واقف مبتسم وبيختار معايا الشبكه نفضت الفكره من راسي وانا مش مستوعبه بفكر في ايه بصيت ل خالد كان سرحان خالتي وقفت وابتسمتلي واختارت هي و تيتا الدهب ودخلنا محل الفساتين بعد ضغط منهم اختارت اول فستان في وشي ...خالتي و تيتا حددوا الخطوبه هتكون اخر الاسبوع كنت طول الوقت يا في الشغل يا في البيت وخالد مش بيكلمني زي الاول غير قليل اوي حتى مستر نادر متجنبني اوي اوي وانا مش عارفه بفكر فيه طول الوقت ليه عزمت مستر نادر على الخطوبه ويوم الخطوبه خالد كان جايبلي الكوافير في البيت لبست وخلصت وطلعت كان المعازيم وصلوا يعتبر قرايبنا بس قربت من خالد ومسك ايدي وقعدنا كان ساكت الطول الوقت وأنا برضوا زيه خالتي وقتها قالتله يلبسني الشبكه فخدها وكان بيلبسهالي بس مش فاهمه ليه صورت نادر قدامي وزي ما يكون بيلبسني الشبكه فوقت ومسكت الدبله ولبستها ليه وابتسمت بصعوبه بصيت عليه لقيته باصص على حد بحزن باين في عيونه بصيت لقيت بنت