ياقوت الهجان بقلم زهرة الربيع
المحتويات
وقال...تذميني لسه هتذميني..عارفه لولا اني مقدر انك يمكن اتهفيتي في دماغك والي حصل اثر عليكي..كان زماني وريتك الذم والجزم
ياقوت بصتلو بضيق وقامت وقالت...انا عايزه اسبح ريحتي دخان مش بحملها
شاورلها على الحمام وقال..اتنيلي الحمام قدامك اها
قامت ولسه هتمشي بصتلو وقالت...بقولك ايه مش معايا حاجه البسها ..ايه العمل
ياقوت بصتلو وقالت پغضب...انت بتلويلي وشك ليه..كل ده بسببك...اتصرف
جواد مسك نفسو بالعافيه كان بيبصلها پغضب رهيب ولو بايده عايز .. بس حاول يهدى وطلع من الاوضه وراح خبط على اوضه جمبها
فتحلو صدام وقال بسخريه..يا نعم يا عريس...حد يسيب عروستو دلوك
صدام اتنهد وقال..دقيقه واحده ودخل جوه كانت فيه ست جميله في التلاتين بتنيم طفل بصلها وقال..احم...منال..هاتي حاجه تتلبس للنوم
منال قالت ...للعروسه ولا ايه..خليني اشوفها يا صدام
صدام اتنهد وقال..الصبح يا اختي مهتطيرش
جواد رجع الأوضه ورماهالها في وشها وبزهق وقال..خدي البسي دي لحد الصبح هشتريلك خلقات
ياقوت بصت للعبايه وقالت..هو انت عندك دي ازاي..انت بتجيب هدوم لللحريم الي بتجيبها ولا ايه
جواد ضحك وقال...هو انا لو بجيب حريم هنا اصلا كنت اتدبست فيكي..دي بتاعت مرت اخوي صدام يلا بلاش كلام كتير ادخلي اتنيلي
جواد اخد بنطلون وتيشرت بتوع نوم وطلع استحمى في الحمام الي بره وجيه وكانت ياقوت مطلعتش استغرب انها طولت نادي وقال...نمتي حداكي ولا ايه
جواد بيتقلب على السرير لمحت عيونه الحوريه الي كانت مدفونه بالعبابه السوده والطرحه بصلها بزهول وفضل يبصلها باعجاب
ياقوت خدت بالها بس حاولت تعمل نفسها انها مش مهتمه فضلت تدندن بلامبالاه مصتنعه
جواد وقف و قرب منها وقال بمعاكسه ...كنتي فين يالحمه...ده احنا الجزارين..كنتي فين يا مهره ده احنا خياليين
جواد ضحك وشدها عليه و اتنهد وقال...سبحان المبدع...هو انتي كنتي تايهه عني فين. ده انا كنت فاكر نفسي دقت حلويات البلد كلها
ياقوت بلعت ريقها بارتباك و قالت...هملني يا جاد..انت متعرفنيش والله ادبك على نفوخك انسيك الحلويات الي دقتها كلها
ابتسم وهو بيبصلها بتوهان وقال..ما انا نسيتهم خلاص ..بقواك ايه...احنا كتبنا كتابنا..ما تخلينا نعوض الليله الي ...واهو في الحلال
ياقوت ضحكت وقالت..وانت اش دراك بالحلال يا ولد الهجان...بقولك ايه فكك مني مهتستفيدش حاجه وزقتو بخفه وبعدت وقالت...انا مش صباح الخياطه...ولا واحده من الي بتعرفهم..انا ياقوت بت الحج سلام..ووجودي معاك هنا على عيني...ومستحيل تطولني سمعت..بقصر عليك الطريق اها..علشان متتعبش على الفاضي
جواد ابتسم باعجاب وقال بتحدي...بس انا بحب الطريق الطويل..ونفسي اطول من اي طريق...بكره لما تلاقي نفسك في
فرشتي هتقولي جواد قال
بصتلو بسخريه وقال..ده لماتشوف..قفاك لا مؤاخذه..تصبح على خير وربنا يشفي
قالت كده وراحت نامت على السرير وشدت الغطا عليها
جواد ابتسم وقال..شكلنا هنتسلي قوي اليومين دول وراح نام جمبها
ياقوت قعدت وقالت بضيق..انت هتنام في نفس السرير ولا ايه
جواد قال بضيق..امال هنام في الشارع
ياقوت قالت بتحذير...طب نام بس والله ما تعل حركه خايبه لأخلي البلد كلها تيجي تعزي فيك..سمعت
في صباح يوم جديد
متابعة القراءة
