اقتباس ما بين العشق و الخذلان للكاتبة هدى زايد حصري

حديثها أكثر من خمسة عشر دقيقة حافظ على هدوئه وطلب من أخد الشباب أن يقف ويبدأ يخبرها كيف تتعامل مع الاجهزة جلس جوارها متجاهلا أياها بينما تابع هو شرح الضابط الذي كان في مهمة غاية في الخطۏرة فهي الأولى من نوعها .
نظر نادر في ساعة معصمه وقال 
ياه الساعة اتنين بليل كل دا شغل إيه كفاية كدا ياشباب وحد منكم يتطوع ويطبخ لنا أنا نفسي أكل أكل بيتي معدتي نشفت من أكل برا 
رد أحدهم وقال بحنين 
اه والله يا نادر باشا الواحد نفسه في شوية محشي ورقاق و لحمة محمرة كدا مع شوية ملوخية والحمد لله رضا على كدا 
رد نادر وقال بنبرة مغتاظة وقال
بس كفاية الله يسامحك جريت ريقي يلا بقى حد يتبرع ويعمل الكلام الحلو دا عشان شكلها السهرة النهاردا للصبح 
كان على عيني والله يا باشا بس كلنا كدا علاقتنا بالمطبخ زي علاقتنا بالصيني
فاحلين بس تجرو الريق وخلاص 
سكت مليا ثم نظر لها وقال بإبتسامة 
بقلك إيه يا سچى مش أنت بتعرفي تطبخي بردو ! 
تعلقت أعين الجميع عدا خاطر الذي كان يقرأ الملف في هدوء متجاهلا ما يحدث ابتسمت بخفة لهم وقالت
تصدقوا إنكم صعابنين عليا هعمل لكم اللي عاوزينه بس بشرط 
ردد الشباب في آن واحد قائلين
موافقين 
ابتسمت وهي تقول 
مش بس لما تعرفوا الشرط ! 
رد أحدهم وقال بمرح
والله ما حد كسر لك كلمة دا أنت الكل في الكل هنا وكلمتك هتمشي علينا كلنا 
رفع خاطر عيناه وقال بإبتسامة 
واما ادورك مكتب دلوقت هتزعل مش كدا ! قلبتوا كلكم عشان حتة أكلة !! 
رد نادر وقال 
متحبكهاش بقى يا سيدنا الواد مش قصده 
تابع بجدية مصطنعة وقال
يلا يلا يا شباب ساعدوا چيچي في الأكل يلا 
چيچى !!! 
قالها خاطر بعصبية مكتومة وهو ينظر لصديقه الذي قال بهدوء حد البساطة
أنا بنادي لها كدا وهي معندهاش مانع مالك متعصب ليه !
نادر خد بالك اننا في مهمة وهي مجرد واحدة
بتساعدنا الجو اللي أنت عامله دا مش عاجبني ولا ينفع يكون موجود أصلا بين القائد وتلامذته ! 
تنهد نادر وقال 
خاطر اسلوبك معاها مش عاجبني ومش مريح في الشغل نهائي البنت مضغوطة من كل اتجاه متجيش أنت و تكمل عليها 
اغلق خاطر الملف وقال بنبرته الساخرة
الله الله الله اجيب لك لمون وشجرة ولا ليه شجرة ما تاخدها وتط.... 
انتهى الاقتباس