سكريبت بقلم سولييه نصار

هقول !
بصيت لماما پغضب وقولت 
عاجبك كده طفشتي المدير !! 
بص المدير وقال
عموما أنا كنت ناوي اتقدم لنسرين بس يظهر أن الوقت غير مناسب ...
لا لا مين قال كده 
قالتها امي وبعدين ندهت لاخواتي
ايمن فك خطيب اختك وشيله وديه الصالة وخلي مروان يعمله كوباية عصير ليمون....
جه اتنين من اخواتي وشالوا آسر بالكرسي فزعقت ماما فيهم
فكوه الاول يا بهايم يا بهايم !!!
هزوا رأسهم وفكوه ....
وبعد ما طلعوه بدأت امي تفكني وقالت
يالا عشان اذوقك يا عروسة !
والله انتوا عيلة مچنونة معرفش واحدة عاقلة زيي عايشة معاكم ازاي !!!
بعد ساعة تقريبا ..
كنت قاعدة جمب آسر وامي واخواتي قاعدين حوالينا ...بدأ اخويا الكبير يتكلم ويقول
ها يا استاذ آسر قول جاي هنا ليه ...
بصلي أسر پخوف وقال بصوت واطي
انا شاكك والله اعلم أنكم عيلة عبيطة ..
شاكك مش متأكد يعني 
قولتها وانا بضحك فبعدين بصلي وبصلهم وقال
انا في الحقيقة يا عمي جاي اطلب ايد الآنسة نسرين ...
عمي
قالها اخويا پصدمة فرد آسر 
عديها يا عم ... المهم كنت جاي اخلصكم من نسرين انا عارف ان محدش طايقها فيكم ...
قالوا اخواتي بصوت واحد
والله فعلا ياريت تخلصنا منها خالص ...
نعم الإخوة. .
قولتها پغضب ...وبعدين كملت 
اولا مفروض تأخدوا رأي العروسة اللي هي أنا ...
ضړبتني امي علي كتفي وقالت
اتنيلي كلنا عارفين انك واقعة...
وشي احمر من الكسوف وأسر قالي وهو بيغمز
وانا كمان عارف ...
قومت ووقفت وقولت
انا ليا شروط عشان اقبل الجواز ...
وقف أسر ورد
وايه هي شروط الهانم !
ابتسمت وقولت
عايزة عرض جواز يكون كريتيف كده ....زي القصص الخرافية والروايات ...مش حابة حاجة تقليدية..لاما كده لاما طلبك مرفود يا حضرة المدير 
من اول ما طلبت الشرط ده من آسر وهو بيحاول بكل الطرق يبهرني ...بس ولا طريقة نفعت وانا قعدت اتدلع شوية عليه ...لحد ما في يوم ....
كنت قاعدة بشتغل لما لقيت واش دهبي بيطير ...قومت وانا مصډومة وبحط ايدي علي بوقي ...ازاي ..ابتسمت وعيوني دمعت ...مسكت الواش وفتحته ولقيت خاتم وبعدين لقيت الكل بيسقف وآسر قرب مني وقال
لما عرفت انك بتحبي هاري بوتر للدرجة دي فضلت اسبوع وانا بشوف سلسلة أفلامه ولقيت مفيش طريقة احسن من دي اتقدملك بيها ...موافقة يا نسرين نكمل كل حياتنا سوا ...
هزيت رأسي وانا بعيط ...
ابتسم ولبسني الخاتم فقولت 
بس ازاي خليته يطير ...
هز كتفه وقال
واحد صاحبي صممهولي كده..
ابتسمت بحب ليه وقولت
انا اسعد إنسانة في العالم اخيرا شقطت المدير 
ضحك آسر وقال
وهترقصي معاه سلو كمان يا مچنونة
بعد اسبوع ...
كنت برقص معاه سلو في خطوبتنا وانا طايرة من الفرحة وبقول 
ايه اللي خلاك تقع مع عيلة مچنونة زينا 
الحب 
قالها بإبتسامة وهو بيرفعني لفوق ويلف بيا 
تمت 
بنات ده هو الواش الدهبي مش فاكرة كانوا بيقولوا عليه ايه في الفيلم
واعتذار في البارت اللي قبله نسرين حلفت وقالت وحياتك يا ماما وده حرام لا يجوز الحلفان الا بالله سامحوني علي الغلط ده