اسكربت عشق و جنون

أنا عاوزة دلوقتي حالا 
نعم ودي أنا اعملها لك ازاي دي بقى 
معرفش اتصرف 
ايوا اتصرف اعمل إيه اضرب الأرض تتطلع عريس 
لا نزل اعلان في الجرايد 
يا بنتي ارحمي امي انا نزل في الجرايد 50 مرة نعي قصدي اعلان وقلت فيه مطلوب عريس وكل ما يجي عريس في لحظه حضرتك بتخلي يطفش 
مليش دعوة ياخويا عاوزة عريس يعني عايزة عريس اشمعنى صحابي كلهم جالهم عريس وأنا لأ 
طب اعمل ايه اذا كان العيب فيكي مش في فيهم 
طب خلاص نزل اخر مرة 
متاكدة إنها اخر مرة 
سكتت شوية تفكر وعينها في كل مكان اتنهددت وبعدها قالت باحباط 

بص مش متأكدة بس اهو نجرب حظنا يلا هات ورقة وقلم واكتب مواصفات العريس
ماشي يلا ياستي قولي 
عاوزاه طويل وعريض 
غيره عان انا حافظ كل المواصفات دي 
خلاص حط شرط يكون طويل البال وميسور الحال وعايش في بيت مبني على الجبال 
قرد
حطت ايدها في وسطها وقالت بغيظ 
افندم !!
رد عليها وابتسامته على وشه 
انتي عاوزة قرد طويل البال عان بينط من شجرة لشجرة ميسور الحال ودا لأنه بياكل موز وفول سوادني بيته مبني ع الجبال فدا تلاقي في الجبالية 
بقى كدا 
خلاص متزعليش كملي باقي مواصفاتك 
عاوزاة يكون وسيم 
اسم ولا صفة  
وبعدين بقى 
خلاص ياستي انا غلطان أنا خلاص كتبت المواصفات وبعد يومين هيجي لك الرد عاوزة حاجه مني
لا شكرا اتفضل مع السلامة يلا
هو نزل شقته كانت فاهمه إنها بكدا بتحركه عشان يغير ويتقدم لها بس اتغاظت اكتر لما لقته مش فارق معاه وهي ولا في باله اصلا 
الحاجه الوحيدة اللي مش قادرة تفهمها لحد دلوقتي ليه بتحس انه بيحبها فعلا
قررت انها تسبها من الافكار دي وتنتظر عريسها الجديد يمكن فعلا يعجبها ويحصل نصيب بنهم
بعد يومين 
جه العريس معاه بوكيه ورد وشوكولاته
فتح له الباب لقته مبتسم ابتسامة عريضه وكأنه طفل صغير لا دا مش طفل صغير دا واحد مش طبيعي حركاته مش مظبوطة
دخل وقعد وبدا يتكلم كلام مفهمتش منه حاجه غير إنه عاوز يتجوز بس مايدفعش جنيه في الجوازة
اما هي قررت انها تعقاب نفسها وتسمع كل شروطه وبدون مقاطعه
ماعنديش شروط غير إن اتجوز معاكي هنا في الشقة 
افندم!!
جوزيني في الشقه هنا !!
حضرتك انا لما كتبت مواثفات العريس المنتظر كانت في شرط إنه يكون ميسور الحال مش عاوز يعيش في شقة مراته 
افهم من كدا اننا مش متففين 
لا مش متفقين واتفضل امشي مع السلام 
انتي الخسرانة واقولك على حاجه هاتي البشوكولاته خسارة فيكي
العريس اخد حاجه ومشي وهي فضلت تفكر في عريس جديد. ومواصفات جديدة. 
هو اول حد جه على بالها خرجت من شقتها ونزلته شقته خبطت مرات عمها فتحت لها 
دخلت لاقته بياكل قعدت جنبه وقالت
بلح 
ماله البلح حلو وكله فوائد 
لا انا اقصد إن العريس اترفض يلا نعلن عن عريس جديد 
بقولك ايه متتجوزيني انا بعرف اغسل المواعين حتي اسألي مرات عمك
بصت له وعينها كلها حب وقالت ياريت
سالها بسخرية ياريت ايه يابت انتي صدقتي 
اقصد ياريت تخلينا في اللي احنا في واتفضل اكتب مواصفات العريس 
انا مش فاضي فوتي عليا بليل. انا دلوقتي باكل لما ابقي اخلص اكل ابقي اكتب لك مواصفات عريس الغفلة دا 
طب انا هقعد اكل معاك 
لا معلش امي قالت متاكلش عيال معاك 
بطل رخامة مش هتبقي رخامة وغباء 
غباااء !! انا غبي  
ايوا غبي واقولك على حاجه انا هتجوز اول واحد يجي يتقدم لي 
ياشيخة روحي هو انتي حد بيرضي يكمل القعدة معاكي واتفلي قومي من هنا يلا عشان انتي بتبصي لي في اللقمة اللي باكلها 
بايخ
رخمة 
غلسه
وانت غبي 
عارف لو جيتي هنا تاني وتقولي عاوزة عريس هولع فيكي
خرجت من عنده وهي ھتموت من الغيظ منه ومن غبائه طلعت شقتها وفضلت رايحه جايه في الصاله عاوزة تقوله بحبك مش عارفه حسمت قرارها ونزلت عند عمها رنت الجرس وفتحت لها مرات عمها لاقته لسه علي السفرة وبياكل بصلها وقالها بصوت عالي لفي وارجعي تاني البنزين غلي والحړق حرام بس لوسرقت شوية بنزين وولعت فيكي هيبقي حلال
جوزيني ابنك 
مين 
بقولك جوزيني ابنك الغبي 
ولما هو غبي هتتجوزي ليه 
طنط بليز