حب في السر

كيف تكون واثق من نفسك ...انا عملت سيرش عشان اكون جريئه شوية قعدت اتفرج على ڤيديوهات على الثقه بالنفس وازاي اكون واثقه من نفسي ومن قدراتي
_بتعملي ايه 
_قاعده بذاكر فيه حاجه 
هز راسه بنفي _ لا مفيش بس كنت بحب واحده وحابب تتعرفي عليها عشان تكوني نقطة وصل بينا
بصتله بدهشه وابتسمت بصعوبه وانا من جوايا حاجه واحده بس يا ترى البنوته اللي حبها فيها ايه احسن مني هو انا اه مش بحبه بس ليه عايزاها هي مش انا يعني 
_ غريبه مين بقى البنت دي 
_ ملك بيتها في الشارع اللي جنبنا البنوته البيضه الحلوه دي 
هزيت راسي_ اااه انت حبيتها عشان بيضه 
هز راسه بنفي_ مش بالظبط يعني هي بنت جريئه كده مبيهمهاش حد بلاقيها دايما واثقه من نفسها وعجبتني 
_ وانت جايبني انا عشان اساعدك 
_ااه انتي بنت عمي فقولت استفاد منك بحاجه 
ابتسمت بسخريه _ ودلوقتي افتكرت انك ابن عمي لا انا مش موافقه 
_خليكي جادعه يا هاجر واقفي جنبي 
ابتسمت باستفزاز_ انا مش جدعه خالص يا اخويا هوينا
ابتسم بتوسل_بالله عليكي اقفي جنبي انا عايز اوصلها ب اي طريقه 
قومت من مكاني بضيق _ اي طريقه بعيد عني شوفلك طريقه غيري 
_ يا هاجر انا دايما بقول عليكي جدعه 
_ومين قالك اني جادعه بقى يلا يا بابا انا عندي مذاكره
بصلي بضيق وخرج برا ورزع الباب وراه مالي انا ومال الحوارات دي كلها ما يحب بعيد عني !
تاني يوم كنت رايحه الجامعه لقيت سراج في وشي 
_صباح الخير يا هاجر 
_صباح النور خير 

ابتسم بخبث _ ده انتي بنت عمي وقولت اوصلك الجامعه النهارده برضوا
_انت ليه الأيام دي افتكرت انك ابن عمي وبعدين شكرا مش محتاجه انك توصلني
وقفت ميكروباص وركبت وهو ركب قدام طلعت حاسبت ليا وهو حاسب لنفسه حتى مهتمش يدفعلي الاجره طول عمره معفن من الرجوله انه يقولي لا متحسبيش بس هو بخيل انا عارفه
نزلت من الميكروباص ووقفت قدام الجامعه وهو جه وقف قدامي 
_ هاجر 
_يادي النيله يا ابني فوكك مني بقى 
_ يا هاجر انا عايزك تصحبيها بجد البت معاكي في إعلام 
_ وهو كل اللي في إعلام هيكونوا معايا يا ابني افهم ممكن تكون في مدرج تاني ومحاضرتها غيري 
_ لا محاضرتها معاكي انا سئلت 
_سئلت مين 
_ملكيش دعوه بقى يلا اتعرفي عليها 
_امشي طيب وبطل زن وانا لو كده هبقى اتعرف عليها لما تخطبها إن شاء الله
_ ده انتي رخمه وانا هخطبها ازاي من غير ما اتعرف عليها يعني 
_ اللي بيحب حد بيتقدمله على طول من غير لف و دوران 
هز راسه بضيق _ انتي هتديني محاضرات في الأخلاق يلا روحي محاضرتك وانا هتصرف
بصتله بقرف ودخلت انسان بارد بجد دخلت حضرت محاضراتي ووقتها قبلت نهال صاحبتي 
_ ازيك يا نهال عامله ايه 
_الحمدلله يا هاجر انتي عامله ايه
ابتسمت_الحمدلله وحشتيني يا بنتي كنتي فين الفتره الفاتت 
_ كنت باخد دورات تدريبيه
بصتلها بعدم فين _ دورات ايه 
اتكلمت بتوضيح_ ازاي تدربي تكوني مذيعه واعلاميه وكده 
ابتسمت_ااه انا كمان محتاجه الدوره دي جدا 
_خلاص تعالي معايا انا لسه هبدا الفتره الفاتت كنت بدور على مكان كويس ولقيت واشتركت تعالي معايا بعد المحاضره نسجل اسمك وتحضري معايا
هزيت راسي وخلصت المحاضره وطلعت معاها روحت المكان ووقفت مع نهال وكان واحد واقف قصادها 
_ ازيك يا مستر حازم اخبار حضرتك ايه 
_الحمدلله يا نهال اخبارك ايه
_الحمدلله يا مستر ده بقى مستر حازم اللي هيدربنا ودي بقى هاجر صاحبتي
بصتله شوية بتركيز حاسه اني
_ ازيك يا هاجر انتي في سنه تانيه مع نهال صح 
ابتسمت _ الحمدلله اه انا معاها 
_ طيب خدي امضي هنا وبكره إن شاء الله نبدا الكورس مع بعض
ابتسمت وبعدها مضيت طلعت فلوس عشان الكورس بصلي وهز راسه
_لا انا مش هاخد النهارده بكره إن شاء الله ابقى اخد منك 
بصيت ل نهال باستغراب 
_مش انتي دفعتي المره الفاتت 
_ااه انا دفعت بس تقريبا دعاء اللي كانت هنا مش موجوده صح
بصلي وابتسم _فعلا هي مش جوده اتشرفت بيكي يا انسه هاجر
طلعت انا و نهال وانا مش فاهمه نظرته غريبه مش مريحاني مش فاهمه ليه
سلمت على نهال وكنت مروحه لقيت سراج في وشي وابتسم بغلاسه 
_ ها اتعرفتي عليها 
_ لا 
بصلي بضيق _ليه بقى مش قولتي