حب في السر

قصدك ايه 
_مفيش يا هاجر بس انتي ضحكتك عاليه اوي ممكن توطي صوتك انتي وهي
بصتله وسكت انا مش فاهمه هو بيقول كده ليه يعني انا خلصت من سراج يطلعلي هو وقفت على جنب وبعدها لقيته وقف قدامي 
_هاجر 
_مستر حازم هو 
_متقوليش مستر اسمي حازم يا هاجر حازم وبس 
_طيب حضرتك فيه حاجه 
بصلي واتنهد _ انا اسف 
_على ايه 
_عشان اسلوبي معاكي مكنش لطيف 
_مفيش حاجه عادي 
_هاجر هو انتي زعلانه من حاجه 
بصتله باستغراب_لا مفيش ليه 
_حاسس أن فيه حاجه يعني انتي زعلانه من خطوبة سراج 
بصتله بذهووول _هزعل ليه سراج اخويا وابن عمي واتمناله كل خير بعد اذنك
مشيت مش فاهمه تفكيره فين انا بس زعلت من طريقته لكن سراج عمري ما ازعل لاني طول عمري شيفاه اخويا .
خلصت الخطوبه و روحنا ووقتها سراج زعقلي عشان ركبت معاهم وازاي كنت بتضحك معاه بس مكنش في دماغي سراج تفكيره رخم زيه
بعد فتره كان سراج دايما پيتخانق هو و ملك عشان طريقة ملك الجريئه زياده عن اللزوم وفي يوم كنت قاعده لقيت سراج جه وقعد جنبي 
_حازم طلب ايدك مني
بصتله بدهشه وابتسمت باستغراب كنت حاسه بحاجه غريبه من ناحيته بس عمري ما توقعت كده 
_سكتي ليه 
_ولا حاجه استغربت بس 
_ايه رايك في طلبه 
اتكسفت _بصراحه حازم انسان كويس و 
_ انا قررت افسخ خطوبتي من ملك 
بصتله بدهشة_ليه انتوا بتحبوا بعض
_متفقناش هي جريئه اوي يا هاجر 
_بس انت بتحب الشخصيه الجريئه 
_مش دي انا عرفت اني اخترت غلط وكان اختيار ابويا من البدايه صح 
_ايه هو الاختيار الصح
_انتي انتي العروسه المناسبه جدا ليا وانا كنت غبي 
_انت مش غبي انت فكرت صح يا سراج 
_انتي مش مستغربه ليه 
ابتسمت _ عشان سمعتكم يا سراج ووقتها عرفت تفكيرك انا وانت مينفعش في يوم ل بعض 
_بس انا اكتشفت أنه
_ انت اكتشفت بعقلك بس لما حصل بينكم مشكله بس عادي ينفع تحلوها وتتفقوا بس انا مينفعش يا ابن عمي عشان للأسف محبناش بعض وقلبي مش ملكي بلغوا بموفقتي يا سراج وبلغ عمي ربنا يعوضك بالاحسن ويرشدك لطريق الصحيح
سبته ودخلت اوضتي وهو بلغ حازم أنه يجي يتقدم وبلغ عمي بموافقتي اتخطبنا و كانت قراية فاتحه بس وقولنا نلبس الشبكه يوم كتب الكتاب بعد قراءة الفاتحه بليل
كنت قاعده في اوضتي موبايلي رن وكان حازم استغربت ازاي رقمه متسجل عندي 
_الووو 
_ازيك يا هاجر 
_الحمدلله يا حازم انت ازاي رقمك متسجل عندي وجبت رقمي منين 
حسيته ابتسم_انا خدت رقمك ورنيت عليا فسجلت رقمك عندي وسجلت رقمي عندك
_ ازاي ده انا محستش بيك 
_عشان كنتي قاعده سرحانه مش مركزه ومكسوفه كمان 
ابتسمت _حقيقي كنت مكسوفه 
_المهم طمنيني عليكي عامله ايه
_الحمدلله وانت عامل ايه
_بخير لما سمعت صوتك
اتكسفت وقولت اغير الموضوع_ فاكر اول مره شوفتك لما كنت بحجز التدريب كنت اول مره اشوفك ولما شوفتك مع سراج وقالي انك جارنا استغربت ازاي وانا مشوفتكش قبل كده 
_انا بقى غيرك انا مكنتش اول مره اشوفك انا عارفك من زمان من وقت ما جيتي قعدتي عند عمك وقتها كنت بشوفك في البلكونه وحبيتك وقبل ما تيجي تحجزي بيوم كنت بعتلك رساله من مسانجر بتاعي وكنت بتمنى في اليوم اللي اقابلك واحكيلك كل حاجه لما شوفتك عندنا كنت فرحان جدا وخليت اختي تتعرف عليكي كان نفسي اعرف عنك حاجات اكتر ولما كنتي بتكلميني بحس قلبي طاير من الفرحه انا بحبك يا هاجر
كنت طالعه من الامتحان النهارده اخر يوم في امتحانات سنه تانيه وكنت بكلم حازم في الموبيل بس وقتها جه احمد زميلي ف كان بيسئلني على سؤال فبصتله وضحكت 
_والله يا احمد انا مش عارفه الامتحان عامل ايه ولا انا عملت ايه كان صعب 
_يعني متعرفيش أجابه السؤال ده 
_لا والله معرفوش 
ضحك _شكرا يا هاجر كنت اتمنه اعرفه منك بس حتى دحيحة الدفعه معرفتوش
ضحكت وكان مشي فمسكت الموبيل عشان اكمل كلام مع حازم 
_ايه يا حازم 
_مين ده اللي كنتي بتتكلمي معاه 
_ ده احمد زميلي بيسألني على سؤال و 
زعق _وتتكلمي وتضحكي بصوت عالي كده ليه 
اتكلمت بهدوء_فين الصوت العالي ده كنت برد عليه وفعلا الامتحان كان صعب وعلى فكره انت اللي صوتك عالي 
_يبقى متضحكيش مع حد تاني 
ضحكت _الضحك بيطلع ڠصب عني 
_هاجر متعصبنيش اقولك سلام 
_ خلاص متزعلش مش قصدي ازعلك