اخطائي كاملة الفصول
وكمان قرفاني ومطلعة البلا عليا
قهقه يامنونكزه قائلا بتشفي نابع من عدم رضاه عن افعالها المخزية
مش خسارة في طيبة قلبك والله ده ذنب رهف
لكزه حسن بكتفه وعقب بغيظ
رغم انك رخم على رأي مراتك بس إن جيت للحق أنا ظلمتها لما قولت عليها قليلة الاصل بصراحة وقفتها معايا بمېت راجل وخلتني أحس أن أد ايه كنت غبي لما خسرتها
من ناحية الغباء فأنت طمعت فيه لوحدك بس هنعمل ايه ربنا يصلح حالك
آمن على دعائها لترحب بصغاره ببسمة حانية وهي تعانقهم
وحشتوني ياولاد كويس انكم جيتوا مع ابوكم
اخبرها شريف
مامي هي اللي قالت لنا نيجي مع بابي علشان نشوفك يا تيتة ونطمن على عمو يامن
انحني يامن
حبايب عمو يامن انا اصلا كنت هزعل لو مجتوش
ايوة كده ريحوا قلبي وخلوا الشمل يتلم
تنهد حسن واقترب ثم تحسر بنبرة نادمة لطالما تخص حديثه عنها رغم هدمه بغبائه لكل سبلها
مش هنفترق تاني يا خالتي بس كان نفسي رهف تبقى معانا
تنهدت ثريا واخبرته
كلمتها ومرضتش تيجي علشان متشوفش وش مراتك الجديدة
لتضيق عيناها وتضيف متسائلة
زاغت نظراته وتستر على رفض سميرة وتسلط لسانها التي اغدقته به حين ألح عليها أن ترافقه
اصلها مش بتحب الدوشة والحمل في اوله و تاعبها ياخالتي
لوت ثريا ثغرها بعدم رضا لتنفلت ضحكة من يامن فشل في كبتها ليلكزه حسن من جديد بغيظ كي يكف عن التشفى به تزامنا مع اقتراب نادين من يامن الذي بدوره حاوط خصرها لينظر حسن لها ويعتذر وهو يراها ترشقه بنظرة قاټلة
لتتدخل ثريا راجية
حقك عليا انا يا بنتي انا عارفة انه غبي ومتسرع وبيحدف دبش بس صدقيني اتكلم كده من خوفه على يامن
رغم أن خالته شتمته لتوها إلا انه رد وكأنه يشعر بالفخر من طباعه المنفرة
والله ما حد فاهمني غيرك يا خالتي
انا هسامحك علشان خاطر ماما ثريا
ربتت ثريا على ظهرها وقالت داعية
ربنا يخليك يا بنتي
ويخليك لينا يا ماما ثريا وميحرمناش منك ابدا
ثم بدأت السهرة التي كانت مبهجة صاخبة راقصة مفعمة بالمحبة ومترابطة لحد كبير فكل منهم كفر عن خطيئته ونال ما يستحقه من الألم ولكن دائما عوض الله جميل
تمت بحمد الله
