رواية ابن ليل لـ اميرة اسامة

نزل هو وعبدالله لقي علي طالعه السلم الڼار والعه قدامهم ولان سور السلم كان حرفه كله خشب علي نفس نظام البيوت القديمه الڼار مسكت في الخشب بتاع سور السلم كله
دعاء الحقونا يا خللللللق
عبدالله اجري بسرعه هات الطفااااايه يا حسن 
نبيله دررررررره الحق أختك و البنات يا عبدالله
زكريا ابعدي عن السلم يا نبيله 
اطلعيييي
نبيله مش هنطلعوا ونسيب بنتي يا زكريا يا دررررره
الدنيا اتلمت بره في الشارع دخل كرم وبكر بسرعه قدام المدخل
عبدالله ألحق دره والبنات يا كرررررم 
بكر خليك مكانك يا عبدالله الڼار هتمسك فيك 

مها وقفت بره المدخل لمحت دره واقفه باين عليها الصدمه وماسكه بناتها وراها دره 
وقفت سونه هي وسماح الاتنين مصډومين 
دخل كرم بسرعه مش عارف يعدي لا معاه بطانيه ولا نازل بطفايه و للحظه الصدمه كانت مخلياه مش عارف يفكر وداخل بصدر مفتوح علي الڼار
زكريا حاسب الڼار يا كررررررم
رفاعي مايه ياااااا خلق بطاطيييين
زكريا كان واقف زي المچنون وهو سامع صوت صړيخ البنات حاول
ينزل كام سلمه بس الڼار كانت بتهب جامد
عبدالله حاسب يابا
رفاعي ارجع يا رفاااعي
جري هيما بسرعه هو ومحمد كان معاهم الطفايات ونزل حسن بسرعه وهو فاتح الطفايه و بيطفي في السلم والڼار اللي بتطلع علي فوق
مسك كرم وبكر من هيما ومحمد الطفايات بكر جري يطفي أول طالعة السلم بيساعد حسن وعبدالله أما كرم جري علي دره والبنات وفضل يطفي في الڼار
نجوي بسرعه العيال ھتموت من الدخان يا كرم
طفي حسن السلم من فوق وطفي بكر السلم من تحت واول ما طفي نزل عبدالله وزكريا جري علي تحت ووراهم نبيله ودعاء 
كرم انتي كويسه
وقفت دره باصه للفراغ بتاخد نفسها بسرعه بصت لبناتها تشوفهم كويسين ولا فيهم حاجه كانوا بيكحوا جامد بس كانوا كويسين بصت تاني لكرم
كرم دره انتي كويسه
دره ايدها من صدره وبعدته من قدامها وعدت من جنبه عشان تطلع لفوق
عبدالله دره فيكي حاجه
زكريا حصلك حاجه يا بنتي
هزت دره راسها وطلعت من جنبهم
فضل كرم باصص عليها وهي بتطلع سابت البنات وسابت الكل وطلعت وهي باين عليها الصدمه
بص كرم للبنات
كرم حد فيكم حصله حاجه
دارين بدموع لأ
دعاء امااااا فيكي ايه
جريت مها من غير ما تحس عليهم هي ونجوي 
مها فيكي حاجه يا بلبله انتي كويسه
نجوي هاتولها مايه يا عيال قومي يا نبيله هما كويسين مټخافيش
هيما بسرعه بأزازه مايه
هيما اغسلي وشك
رفعت نبيله عينها بتعب لهيما وهي مش قادره تتكلم 
خدت منه مها المايه وفضلت تحط علي ايدها وتغسل وشها
مها بت يا دعاء اطلعي هاتيلها كوبايه مايه بسكر بسرعه
دخلت سماح جري للبنات وهما في عبدالله بيعيطوا
سماح حصلكم حاجه
دانه احنا كنا ھنموت يا خالو
عبدالله بعد الشړ عليكم متخافوش انتوا كويسين
حسن سيبهم يابا يطلعوا فوق الدخان مالي الدنيا سماح خديهم علي فوق
سماح تعالو يلا يابنات
دارين امسكي ديما عشان مش قادره اتلم علي اعصابي
دانه انتي كويسه يا ديما
سماح اطلعوا سيبوها انا تعالي يا ديما 
احمد فيكي حاجه يا ديما
سماح مش قادره تاخد نفسها من الدخان
احمد تعالي يلا اطلعي
بص عبدالله لكرم 
عبدالله انت ايدك اتحرقت
كرم بتوهان كان لسه باصص لفوق اا لا لا مفيش حاجه بسيطه انت فيك حاجه
عبدالله لا انا بخير ابويا بس اللي ايده اتحرقت هو كمان 
سونه قومي يا ابله نبيله فوق الدخان هيتعبك ما تقوميها يا اختي انتي وهي انتوا بتتفرجوا عليها
نبيله اخيرا نطقت دره والبنات حصلهم حاجه
مها لا زي الفل مټخافيش قومي يلا تعالي اطلعي فوق متقعديش كده
عبدالله بكر مشي الناس اللي واقفه بره دي
بكر طب يلا اطلع وطلع امك وابوك خليك معاهم يا كرم 
خرج بكر علي بره
بكر يلا يا جماعه خلاص مفيش حاجه كل واحد علي بيته
محمد يلا يا جدعان بتتفرجوا علي ايه خلصت خلاص
رفاعي ايه اللي حصل يا زكريا
زكريا منعرفش انا صحيت علي صوت البنات
رفاعي طيب اطلع من الدخان ده عشان متتعبش
حس زكريا بۏجع في ايده بص علي كفه لقي ايده حمراء وفيها كور متعبيه مايه من الحړق
رفاعي انت اتحرقت ولا يا هيما اجري شوف دكتور من الصيدليه يجي يشوف ايد عمك زكريا بسرعه
زكريا لا لا مفيش داعي دي حړق بسيط
هيما بردوا يشوفه ويغيرلك عليه خده بس انت يابا طلعه
الناس مشيت وفضل معاهم عيلة كرم وسونه و بنتها طلعوا علي فوق
دره كانت قاعده علي الكنبه باصه في الارض و شارده طلع البنات مع سماح واحمد واول ما دخلوا راحوا عليها قعدوا جنبها من غير ما تتكلم دره لفت ايدها عليهم
دارين مامي حصلك حاجه
هزت دره راسها من غير ما تتكلم
سماح يالهوي لا ايه دي ايدك اتحرقت خالص
بصوا البنات علي كف دره كان محروق
دانه مامي ايدك اتحرقت
ديما مامي
احمد اهدوا اهدوا مفيش حاجه حړق بسيط هاتوا بس تلج بسرعه
جريت دارين جابت تلج وحطته في كيس خد منها احمد التلج وحطه علي ايد دره
احمد معلش استحملي شويه
متهزتش ولا حست بالۏجع لانها كانت سرحانه اصلا
دخلت دعاء و ووراها مها مسنده نبيله هي وسونه وبعدها دخلت نجوي وكانت المره الاولي اللي تشوف فيها دره ودره تشوفها
دعاء قعدوها هنا 
بسرعه مسكت دره في صدر نبيله بأيدها السليمه والتانيه كانت في ايد احمد
دخل الكل وقعد زكريا بإهمال وتعب علي اول كرسي قابله
رجع هيما بسرعه وهو جايب معاه الصيدلي 
هيما تعالي يا دكتور ادخل 
رفاعي شوفلنا يا ابني ايد المعلم زكريا بسرعه 
بص الدكتور علي ايد زكريا 
الدكتور بسيطه حړق صغير
عبدالله كرم كمان اتحرق يا دكتور
كرم لا لا انا بخير خليك بس في المعلم ده حړق بسيط
الدكتور حالا هشوف المعلم زكريا و هغيرلك علي ايدك
احمد اااا و شوف كمان ايد الدكتوره يا دكتور
دي أيدها محروقه خالص 
بصت دعاء علي ايد دره كانت هي اكتر واحده محروقه
دعاء يالهوي دي ايدها اتحرقت خالص
زكريا معلش يا ابني شوف دره الاول
الدكتور حاضر يا معلم من دره حط كرسي قدامها قامت دره من علي صدر نبيله وبدأ الدكتور يغيرلها علي الحړق ومسك المقص قص الكور اللي معبيه مايه عشان ينضفها 
الدكتور ممكن ټوجعك شويه تمام خدي نفس طويل
هزت دره راسها بهدوء وبدأ الدكتور يشوف شغله كرم عينه كانت علي دره وهي مش مع اي حد
رفاعي تعالوا ياولاد عايزكم بره شويه تعالي يا حسن معاهم
حسن حاضر يا عم رفاعي
خرج رفاعي بره وقف علي السلم وخرج وراه الاربع شباب 
هيما خير يابا في ايه
رفاعي تنزلوا انتوا الاربعه تقبوا وتغطسوا وتعرفوا مين ابن الحړام اللي عمل كده تجيبولي اي خبر عن اللي عملها شوفوا بقي تخلوا اصحاب الدكاكين يفتحوا دكانهم وتشوفوا الكاميرات بتاعتهم تشوفوا اي حد من الشباب اللي واقفين علي الناصيه لو لمحوا حد فيهم المهم تتصرفوا
هيما حاضر يابا يلا يا شباب
رفاعي هيما تجيبولي خبر ماشي
هيما اطمن يابا إن شاء الله هنوصل للي عملها 
نزل هيما والشباب ودخل تاني رفاعي
البنات كانوا عمالين يكحوا جامد وصدرهم تاعبهم من الدخان 
دانه فضلت تكح جامد وكانت تعبانه
دعاء براحه يا دانه براحه يا حبيبتي
عبدالله هاتلها مايه يا دعاء
نجوي استني يابنتي بلاش مايه عندكم عسل ابيض هنا
دعاء منعرفش هنشوفوا
مها لو مفيش نروح نجيب من عندي بسرعه
دعاء استني اشوف الاول
دخلت دعاء
تبص علي عسل ابيض لقت بطرمان
دعاء لاقيت العسل اهو
دخلت نجوي المطبخ عندها
نجوي هاتي كوبايات و ناوليني اللبن بسرعه
دعاء حاضر امسكي اللبن اهو
نبيله حطت نبيله لبن في الكوبايات وحطت عليه عسل وخرجت دعاء وهي شايله الصنيه
نجوي اشربوا يا بنات ده لبن متحلي بعسل عشان ينضف صدركم من الدخان اللي شربتوه ده وهيهدي الكحه خالص
هز البنات راسهم وخدوا من دعاء اللبن
الدكتور كان خلص ايد دره و راح يشوف ايد زكريا
مسكت نجوي كوبايه لبن من دره من اول ما طلعت وشافتها وهي عينها كلها دموع بس حبساها
راحت بهدوء قعدت جنب دره اول مل دره حست بيها قامت من نبيله وفضلت باصه قدامها وهي كمان عينها مليانه دموع وبدأ جسمها يبقي في رعشه بسبب ۏجع ايدها اللي بدأ يظهر
مدت نجوي ايدها باللبن لدره
نجوي اشربي اللبن ده هيريح صدرك ونضفه انا عارفه انك مبتحبيش اللبن بس معلش تعالي علي نفسك 
بصت دره علي ايدها وبعدين بصتلها بۏجع وحزن واشتياق
نجوي اشربي يا دره
نزلت دموع دره بسرعه تجري علي وشها في نفس الوقت اللي دموع نجوي نزلت منها رفعت نجوي عينها لفوق و مسحت دموعها
مسكت دره من ايدها اللبن شربت منه حاجه بسيطه وسابته علي التربيزه
خلص الدكتور ايد كرم
الدكتور الف سلامه عليكم بعد بكره اول ثلاث ايام هنغير عليها كل يوم وبعد كده يوم و يوم منجيبش عليها مايه خالص كتبتلكم مضاد وخافض اقراص عند اللزوم لو الحراره ارتفعت واسبوع وهنبدأ نحط عليها كريم حروق للتجميل عشان يضيع اثر الحړق
زكريا شكرا يا ابني
رفاعي تسلم ايدك يادكتور بكر مع الدكتور
عبدالله استني يا بكر
بكر خليك يا عبدالله 
وقف عبدالله وساب بكر خرج مع الدكتور عشان يحاسبه وياخد منه العلاج 
زكريا عاملين ايه يا بنات
دارين الحمد لله يا جدو
رفاعي لو حد فيكم حاسس بحاجه ناخدوكم علي المستشفي
دارين لا لا ملهوش لزوم احنا بخير
عبدالله ديما مش تعبانه يا حبيبتي
نروحوا نطمنوا عليكي
ديما متقلقش يا خالو انا بخير
دعاء بس انتي كنتي تعبانه من الدخان اوي يا ديما
نجوي الدخان كتم صدرها بس اللبن والعسل الابيض هيريحوها
ديما انا احسن كتير متقلقوش
سونه وياريت تفتحي الشبابيك كلها يا دعاء الدخان معبئ الدنيا
دعاء فتحت كله يا سونه بس هو الدخان بهدل الدنيا
سماح طيب شغلي الشفاط كمان يا ابله دعاء
دعاء تعالي افتحيه يا سماح مش قادره نقف علي رجلي
سونه روحي يا سماح افتحيه بسرعه
سماح خليكي يا ابله دعاء انا هنفتحه
طلع بكر بشنطه فيها علاج
بكر سلام عليكم
الجميع عليكم السلام
بكر دعاء خدي ده علاج عم زكريا ودره وهو كاتب علي العلب كل قد ايه
دعاء ماشي يا اخويا تسلم أيدك
عبدالله منتحرمش يا بكر
بكر بسيطه يا صاحبي المهم ان الكل بخير وجات سليمه الحمد لله انا شايف الشباب تحت بيحاولوا يعرفوا اي حاجه تحت
رفاعي شوفتوا حد يا بنات لمحتوا اللي عملها
دارين لا بس هما كانوا اتنين
عبدالله طيب مشوفتوش وش حد فيهم
دانه ملحقناش يا خالو احنا سمعنا صوت أزاز وحاجه بتفرقع بصينا بسرعه كان في ڼار وبسرعه لقينا ازازه تانيه اتحدفت مامي ډخلتنا
بسرعه تحت السلم بس السائل اللي كان في الازازه ده جه علي ايد مامي والڼار حرقتها
دارين هما كانوا اتنين راكبين موتسيكل حدفوا الازايز وركبوا بسرعه
بكر بس اكيد ممكن تفتكروا شكلهم شويه
دارين كانوا لابسين كاب أسود الاتنين وحاجه زي الشال ملفوف علي وشهم
رفاعي يا ابني هو اللي بيعمل مصېبه بيفضح روحه ما اكيد هيخبوا وشهم
زكريا انا بنقول نعملوا محضر يا عبدالله يا ابني
عبدالله نعملوا بس هنقولوا ايه أحنا منعرفوش اللي عملها لا شكل ولا اسم ولا حتي تبع مين نستنوا يمكن الشباب يقدروا يوصلوا حتي لرقم الموتسيكل
رفاعي حتي لو الشباب موصلوش لحاجه يا عبدالله اهو تبقي عملت اللي عليك وتسيب الباقي للحكومه هما اكيد هيتصرفوا
دره ودعاء كانوا سامعينهم بيتكلموا وكل واحده فيهم في وادي و شارده
وخاصتا دره من اول ما حصل الحريق وهي عندها صډمه مش قادره تستوعب ان اللي بتفكر فيه ممكن يطلع صح 
شردت في كلام حسن معاها بعد ما رجع من عند كرم ومها
حسن دره صحيح مها بتبلغك رساله بتقولك انها هتولع فيكي انتي والبنات قريب وخلي بالك منها 
بصت دره علي مها وهزت راسها بنفي وعدم تصديق
وبسرعه افتكرت كلام سونه
سونه انت بتتعصب عليا عشان دي يا كرم عشان واحده بياعه ومعندهاش اصل ضحكت علي قلبك بكلمتين أوعي تفكر انها بتحبك أنت بس