رواية ابن ليل لـ اميرة اسامة

حد واكتشف انه مش علي ديني ودي أكتر حاجه خلتني أتمسكت بادم شخصيته كويسه متفوق الكل بيحبه والاهم انه علي ديني فضلت مع ادم طول السنين دي ودخلنا مع بعض الجامعه كان عارف حدوده معايا وكان بيحترم فيا اني ملتزمه معاه في علاقتي بيه ومش هكدب هو كمان كان ملتزم معايا ومقدر عادتنا وتقاليدنا هو صحيح مسلم بس في النهايه أمريكي وليه عادات بردوا مختلفه عننا 
يمكن في الاول مكانش في بينا اي مشاكل او اي حاجه تبوظ علاقتنا دي بس كمان عمري ما عشت موقف صعب يظهرلي حقيقه أدم أكتر و تخليني اقول هو ده الشخص اللي ممكن يقف في ضهري في أي مشكله ده غير كدبه عليا انه في مكان واشوف صوره في مكان تاني مع بنات مكانش متعود يخرج معاهم كان واعدني ان عمره ما هيشرب و اتصور والكاس في ايده 

اول ما حصلت الظروف دي وكنت وقتها مڼهاره حاول يتكلم معايا و يهديني كتير وقالي انه هينزل مصر عشان يشوفني لحد ما الدنيا تهدي بينهم وانا اطمنت شويه و صدقته 
لما حصل اللي حصل بين مامي وبابي كنت متخيله ان اصلا اللي حصل ده مش هيضايقه بالعكس كنت فاكره انه هيضايق عشاني بس محصلش كده أدم اتغير ولما جينا مصر وعرف اننا هنفضل علي طول عرفت انه مش هينزل ومش هيقدر وكل اللي قاله ده كان كلام أتغير اكتر و كمان طلب مني اني أسيب مامي واخواتي وارجع قولتله انا مستحيل اعمل كده ولو فرضنا اني وافقت بس بابي مش عايزني رد عليا و قالي إن أنا وهو هنعيش مع بعض طبعا انا مقولتش كل الكلام ده لأخواتي ولا حتي لمامي مقدرتش نزلت دموع دارين بحزن
مكنتش عارفه إنه ومش راجل عارف إن دي حاجه مستحيله و مرفوضه بالنسبالي ومع ذلك طلبها مني مش عارفه ليه طلبها أصلا عشان هو كان عايز كده فعلا و أستغل الفرصه وفكر انه ممكن يضغط عليا لاني بحبه ولا عمل كده لانه واثق ان لا تربيتي ولا ديني ولا مبادئي هتسمحلي أن أوافق
مهما حصل وحتي لو هخسره للأبد
هيما بهدوء عشان واثق انك مش هتوافقي يا دارين
بصتله دارين وهي دموعها نازله 
هيما مستغربه ليه هو لو كان حب يستغل الموقف زي ما قولتي كان نزل وقدر يضحك علي عقلك وسابك وسافر ووقتها كان هيجبرك تسافري وراه لانك مضطره بس هو عارف ان دارين لايمكن يتضحك عليها وعارف انه كان هيضيع وقت بنزوله علي الفاضي فا طلب منك كده عشان الرفض يجي من عندك انتي وفي النهايه هو مخسرش حاجه انتي بالنسباله كنتي مجرد علاقه عابره مش اكتر الشخص ده لو كان بيحبك و متمسك بيكي بجد مكانش سابك يا دارين مكنش في عز وجعك كمل بضغطوا عليكي بالعكس كان هيقف جنبك في ظروفك يحاول يقويكي يحاول يعمل اي حاجه تفرحك بس هو شاف ان ليه اضيع وقتي وادخل في حكايه وظروف مش بتوعي فا خد بعضه وهرب من البدايه وراح لحياته اللي بينتمي ليها اكتر
دارين بحزن بس انا كنت مصدقاه وكنت فاكره انه بيحبني زي ما بحبه
هيما وايه المشكله مش انتي لوحدك اللي ممكن تتخدع في اللي بتحبه عندك انا مثلا تقريبا عشت نفس قصتك بس مع إختلاف جزء بسيط فيها انا حبيت كذا سنه و اتعلقت بزميلتي وهي كانت بتحبني وبعد ما خلصت دراسه دخلت الجيش سنه قولتلها ان بعد السنه دي ما تخلص هتقدملها نزلت اول اجازه الدنيا كانت تمام زي ما هي ومفيش اي تغيير وسافرت تاني ولما جيت نزلت تاني اجازه لقتها مكتوب كتابها علي ابن خالتها امته وازاي معرفش وياريت حد أجبرها لأ انا عرفت ان جوازها ده كان قرار
و بإيرادتها وهي اللي بلغتني مش حد تاني قالتلي كل شئ قسمه ونصيب وانها هتتجوز كمان ثلاث شهور مش هكدب عليكي في البدايه تعبت وتعبت اوي كمان بس لما قعدت مع نفسي قولت انا ليه بعمل كده في نفسي وعشان مين عشان شخصيه متستاهلش بدأت شويه شويه أفوق وأرجع تاني هيما اللي بيحب يهزر ويضحك منكرش ان كل ما كنت اسرح احس بالۏجع اللي جوايا لسه صاحي بس مع الوقت اشتغلت علي نفسي اكتر وقدرت اخرج من الۏجع ده ومۏته جوايا و الوقت لما بفتكرها زي ما بتكلم معاكي كده بنضحك علي روحي وبنستغرب انا كنت عامل في روحي كده ليه يمكن تقولي ادام قدرت ترجع تاني وكمان تنساها يبقي مكنتش بتحبها صدقيني انا كنت لو نطول نجيبلها حته من السما كنت عملتها وكنت بنحبها اكتر من روحي بس خلينا نتكلموا بالعقل ليه اتوجع علي واحده قررت تخرجني من حياتها وباعتني بالرخيص ليه اعيش حياتي كلها حزين وقلبي واجعني كل ما نفتكرها وهي عايشه حياتها ومبسوطه ليه أضيع عمري بكل الحلو اللي فيها علي واحده متستاهلش يمكن مفيش حياه هتستمر من غير حب بس الحب ليه شروط يا دارين لازم زي ما بدي أخد زي ما بحب أتحب زي ما بقدر أتقدر العلاقه اللي فيها طرف واحد بيدي اكتر ما بياخد علاقه فاشله واللي بيدي من غير ما ياخد باسم الحب هو اكتر شخص بيتأذي 
دارين طيب ماهي مامي وكرم تقريبا نفس الحكايه بتاعتك ومع ذلك كرم فضل عايش لحد انهارده من غير ما يطلع من جوه القصه دي
هيما لا يا دارين في فرق يمكن يبان من بره ان القصه واحده لكن قصه دره وكرم مختلفه كرم ودره متربيين مع بعض بينهم عشره طويله الاهالي نفسهم بيربطهم علاقه قويه وكأنهم عيله واحده ومن حبهم في بعض قرروا انهم يقوا العلاقه دي اكتر وقالوا كرم لدره ودره لكرم ولما دره رفضت ده لما بدأت تعرف يعني ايه حب قررت انها تختار حياتها كرم هنا لما عرف اللي حصل اټجنن وعشان عارف ان دره مش هي الشخص الخاېن والبياع وعارف انها متربيه تحت عينه ودي مش طباعها كان واثق ان في حاجه غلط دره مستحيل تعمل كده وسيبك بقي من كلام كرم في البدايه انها بياعه وخاينه وباعت اهلها وعشرتها ده كلام وقت ڠضب لو كرم واثق من اللي بيقوله ده كان نسيها زي ما انا عملت من زمان واتجوز وفتح بيت لكن هو عارف كويس ان مش دي طباع دره وعلي الاقل كرم اللي اعرفه من كلام الكل انه كان غير كده كان شخص كتوم مبيظهرش مشاعره فا بالتالي دره مقدرتش تحس بيه لكن انا حبيت وهي كانت بتبادلني نفس الحب والكل كان شاهد علي قصه حبنا مكانتش بتنام غير وهي معايا علي الموبايل كلمه بحبك كانت نغمه علي لسانها مبتفصلش
فا دي بالنسبالي مقدرش اقول عليها غير انها خاينه وبياعه ومعندهاش اصل وميتبكيش عليها لحظه واحده فهمتي يا دارين
دارين بحزن فهمت
هيما انا مش هقدر اقولك متزعليش انتي لسه في البدايه خدي وقتك بس نصيحه مني اوعي تخلي الزعل والحزن والۏجع يطولوا جواكي لانك هتأذي نفسك ومش هتقدري تطلعي من دوامه الۏجع دي ابدا
دارين هيما انا مش زعلانه عشان حبي لأدم صدقني بعد اخر مكالمه ليه وبعد ما قفل من غير ما يقول حتي سلام وعملي بلوك من كل حاجه خرجت ادام من قلبي وحسيت اني مش بحبه مش هو ده الشخص اللي يتحب أصلا انا بس زعلانه عشان الطريقه نفسها عشان مكنتش حد وحش عشان لما حصل مشكله كبيره هزتنا مكانش هو الضهر والسند اللي مستنياه زعلانه عشان قدمت كل حاجه صح للشخص الغلط 
هيما هي دي الدنيا يا دارين لازم تتعودي علي كده هتقابلي نماذج زي دي كتير ومش بس في العلاقات ممكن تقابليها مع صحابك زمايلك مع حد بتشتغلي معاه وفي ناس ممكن تلاقي ده مع الاهل
دارين بدموع عندك حق إذا كان بابي نفسه عمل معانا كده أدم مش هيعمل كده 
هيما هتشوفي كتير يا دارين بس لازم تكوني
أقوي مش معقول كل ما يحصل موقف زي ده هتكتئبي و ټعيطي و تحولي حياتك لضلمه
بصتله دارين وهي بټعيط
دارين انا أسفه يا هيما أسفه علي كل حاجه بجد علي طريقتي معاك من وقت ما جينا علي طريقتي معاك يوم ما كنت مضايقه بس كان ڠصب عني والله كنت موجوعه اوي وجات فيك انت
هيما بإبتسامه وانا قولتلك اني مش زعلان
دارين امال ليه كنت ساكت لما جيت انا واخواتي عندكم وليه مسلمتش عليا وليه نزلت وسبتنا
هيما ابتسم وبص علي البحر
دارين عشان كنت زعلان صح 
هيما يمكن عشان متوقعتش انك تطلعي فيا بالشكل ده او يمكن مكنتش حابب اتحط في موقف زي ده معاكي انتي بالذات يا دارين 
بصتله دارين وفضلت ساكته وبعدين إرتبكت
دارين يعني ايه انا بالذات يعني لو الموقف ده كان حصل من دانه او ديما مكنتش زعلت منهم
هيما ممكن و ممكن كمان كنت قولت عادي زي اخواتي الصغيرين بس
دارين بس ايه
ابتسم هيما ولعب في شعره بتوتر وبعدين بصلها وهو بيحاول يغير الكلام حاول يقوم من مكانه
هيما ما تيجي نروح يلا نشوف الشباب
قبل ما يقف مسكت دارين ايده
دارين بس ايه يا هيما 
فضل هيما باصصلها وبعدين ابتسم بحزن
هيما مش وقته يا دارين
دارين هو ايه اللي مش وقته انت كنت بتتكلم ووقفت كلام فجأه بس ايه ياهيما قول
هيما في كلام بيتهيألي بقي صعب اقوله الوقت خصوصا بعد ما فتحنا قلبنا لبعض يمكن لو كان الكلام مختلف كنت قدرت اكمل انا كلامي اللي وقفته 
دارين وعشان احنا فتحنا قلبنا لبعض زي ما قولت لازم تكمل كلامك وبعدين تقصد ايه ببقي صعب تقوله وكلام ايه اللي تقصده انت تقصد عشان حكيتلك علي ادم 
هيما دارين خلينا نمشوا وبعدين نبقي نتكلموا وقت تاني
دارين هيما قول كنت هتقول ايه ولا انت شايف ان الكلام اللي وقفته ممكن يضايقني 
هيما يمكن ! ويمكن يضايقني أنا ويمكن كمان توقيته بقي غلط عشان كده بنقولك خليها بظروفها او علي الاقل لما تحسي انك أتحسنتي من جواكي اهم حاجه الوقت لازم تيجي معايا و نروحوا للشباب و تحاولي تصلحي الموقف بينك وبين دانه عشان مينفعش تزعلوا من بعض
دارين دانه أختي يا هيما و ۏجعها يوجعني واكيد مش هقدر أزعل منها ولا هي هتقدر تزعل مني وعارفه كمان انها مكانتش تقصد اللي قالته هي بس اضايقت مني وحاولت تضايقني وتحسسني هي حست بأيه وعموما يا هيما تمام يلا نروحلهم مفيش داعي تهرب من الكلام معايا انا مش غبيه يا هيما عشان افهم كلامك اللي قطعته ومقدرتش تكمله عشان متزعلنيش
انت كان ممكن متزعلش