رواية ابن ليل لـ اميرة اسامة

اعيش عليها
بص كرم علي ايدها اللي مسكت في ايده اتنهدت بنفاذ صبر وقبل ما يسحب ايده ويرد عليها سمع صوت اللوم بيفتح العربيه بص بسرعه لمح دره ماده ايدها بالريموت علي العربيه وباين عليها الصدمه 
حقيقي دره اټصدمت وعينها كانت علي ايدهم وعلي وقفتهم متوقعتش ابدا انها تعدي وتشوف كرم جنب عربيتها وكمان واقف قريب من سونه وأيده في ايدها

لكن بسرعه رجعت لقوتها وثابتها وابتسمت 
كرم دره!! سحب ايده من سونه
سونه بابتسامه ايه ده ازيك يا دكتوره 
دره بابتسامه هاديه عكس اللي جواها فتحت شنطه الباب الخلفي سابت من ايدها الاكياس الحمد لله يا سونه انتي اخبارك ايه
سونه بخير الحمد لله اخبار ايدك ايه 
دره احسن الحمد لله ازيك يا كرم اخبارك ايه 
كرم كان باصصلها بترقب جوه عينها ومال براسه الحمد
لله يا دره انتي عامله ايه 
دره بأبتسامه بخير الحمد لله 
سونه انتي مروحه ولا ايه
دره أيوه لو تحبوا أوصلكم أتفضلوا
قبل ما كرم يوافق ردت سونه بسرعه
سونه بأبتسامه منتحرمش يا دكتوره بس احنا لسه واقفين شويه مع بعض روحي انتي عشان الوقت اتأخر
بص كرم پغضب بسيط لسونه ورجع بص بسرعه لدره وعشان هو اكتر حد فاهمها كان عارف ان الابتسامه والهدوء اللي هي رسماهم مش حقيقين عارف انها غيرانه واكيد اتوجعت وعشان هما متفقين محدش يعرف حاجه فا كان طبييعي ميقدرش بتكلم معاها او يبررلها قدام سونه بالذات 
دره طيب زي ما تحبوا يومكم جميل سلام يا سونه 
سونه سلام يا دكتوره
دره سلام يا كرم
كرم مقدرش كرم يتحمل نظرتها ولا قدر يشوف اغلي حاجه عنده مضايقه او موجوعه بص لسونه لحظه يا سونه راجع
لف بسرعه وراحلها دره لحظه
كانت ركبت وقف قدام الشباك رفعت دره عينها بهدوء وبصتله
كرم متروحيش يا دره اقفي في المكان بتاعنا وهنجيلك عشان نفهمك
دره معلش يا كرم انا مستعجله ومتأخره علي البنات
كرم ده بنقولك جاي وراكي مش هنأخرك عايز بس نوضلحلك سوء التفاهم ده 
دره ببرود عكس اللي جواها ابتسمت سوء تفاهم مش فاهمه هو حصل ايه مفيش أي حاجه يا كرم محتاجه انك تفهمهالي ويلا روح عشان متتأخرش علي سونه
كرم يادره
دره بابتسامه سلام يا كرم
دورت دره العربيه رفع كرم ضهره وفضل باصص عليها
بصت دره لسونه وابتسمت باي يا سونه
سونه سلام 
طلعت بسرعه من غير ما تبص عليه كان نفسها تولع فيه وفي سونه وفي نفسها بس مسكت نفسها للاخر
بص كرم پغضب علي سونه حاول يمسك نفسه علي قد ما يقدر عشان متلاحظش اي حاجه 
سونه بأبتسامه كنا بنقولوا ايه يا كرم
كرم بنفاذ صبر سونه اسمعيني كويس عشان نقفلوا الموضوع ده خالص اللي انتي عيزاه مستحيل تلاقيه عندي انا مش هنقدر يا سونه مش هنقدر افهمي انا بقالي عشرين سنه لوحدي انا لا بتاع جواز ولا حب 
و لا حتي بنعشم اي ست بحاجه مش هنقدر نعملوها وانتي مش اي ست يا سونه انتي غاليه عندي بنعزك وبنعتبرك من الناس القريبين علي قلبي مش عايز نخسرك ولا عايز نزعلك اكتر من كده الكلام اللي بقالي عشرين سنه بنقولهولك مش سهل عليا صدقيني مش سهل نقف كل شويه نقولك كلام يوجعك يا سونه انتي تستاهلي تتحبي بجد من حد يقدر قيمه الحب اللي جواكي ده مش من واحد يضحك عليكي او واحد قلبه مش ملكه 
سونه بۏجع بصتله وهي دموعها بتجري وانت قلبك ملك دره يا كرم مش كده 
طب لما انت بتحبها اوي كده ما بتروحش تقولها ليه يا كرم كرامتك ۏجعاك ولا خاېف تفضل رافضه زي زمان روح يا كرم وقولها سيبك من كرامتك اللي هتضيع عمرك ولو رفضت مش هتبقي خسړت حاجه علي الاقل يمكن تقدر توقف قلبك عن حبها وتبص للي بيحبوك مش للي انت بتحبهم 
كرم الموضوع لا ليه علاقه بكرامه ولا ليه علاقه برفضها في حجات جوانا مينفعش تتغير يا سونه وقبل ما تنصحيني انصحي روحك قدرتي توقفي حبك لما قولتهالك اكتر من مره اني مش بنشوفك غير اخت مقدرتيش يا سونه ولحد اللحظه اللي واقفين فيها انتي بتحاولي ومع ذلك رفضتي ناس حبوكي من قلبهم ومكملتيش مع رجاله اتجوزتيهم وكانوا رجاله جدعان ومقدرتيش تقولي لروحك اللي بتقوليه ليا الوقت انك تكملي مع اللي بيحبوكي وسيبك من اللي مش بيحبك 
متنصحنيش بحاجه يا سونه انتي نفسك مش قادره تعمليها
بصت سونه علي البحر وهي دموعها نازله بۏجع هي عارفه انه معاه حق بس ڠصب عنها 
كرم حبي نفسك يا سونه انتي غيري علي الاقل انتي عندك بنت زي القمر ربنا رزقك بيها عندك حاجه تعيشي بجد عشانها كفايه يا سونه كفايه ۏجع ومحاولات مش هتفيدك بأي حاجه غير انها هتوجعك صدقيني يا سونه هنقولهالك تاني خسارتي ليكي مش سهله وانا مش عايزها مش عايز نخسرك يا سونه عايز نشوف سونه الجدعه اللي بمېت راجل ديما موجوده في حياتي اللي بتعمليه ده هيخليكي تحولي الحب اللي جواكي لكره ليا وانا مش عايز كده انا كنت صريح معاكي من البدايه وهنفضل صريح معاكي للنهايه انا قلبي مش ملكي يابت الناس ومش هنقدر نجرحك او
نجرح غيرك
بصتله سونه بۏجع وهزت راسها بهدوء
سونه فهمت يا كرم يمكن كان عندي امل بس كان لازم نعرف من اول ما دره وصلت علي مصر ان الامل اتقطع
كرم سونه
سونه اسمعني يا كرم انا لا بنكرهوا دره ولا بنحقدوا عليها انا حبيتك و أتمنيت الاقي في قلبك مكان ليا بس زي ما انت قولت قلبك مش ملكك وانا مش هنلومك عشان انا حاسه بيك و وجعك هو نفس ۏجعي انا كمان قلبي مش ملكي وڠصب عنه اختارك انت دونا عن كل رجالة العالم بس خلاص مفيش فايده يا كرم انا حقيقي تعبت وقلبي تعب
كرم سونه انا مش عايز نزعلك والله ويعز عليا اني نوجعك بس لازم تفهمي انه ڠصب عني
سونه وانا مش زعلانه يا كرم انا زعلانه من نفسي وزعلانه علي نفسي بس عادي اتعودت علي كده
كرم بتنهيده يلا عشان اروحك
سونه بهدوء مسحت دموعها روح انت يا كرم انا هنقف شويه
كرم الوقت اتأخر يا سونه يلا عشان متتأخريش علي بنتك
سونه هنيجوا وراك بس خليني شويه 
هز كرم راسه بهدوء تمام يا سونه خلي بالك من نفسك سلام
سونه سلام
طلعت دره علي البيت كانت بتحاول تكون هاديه وتنسي اللي حصل
فتحت الباب ودخلت الاكياس اللي معاها في المطبخ راحت بصت علي البنات كانوا يادوب لسه رايحين في النوم 
قربت دره من دارين بهدوء 
دره دارين دارين حبيبتي
دارين فتحت عينها جيتي يا مامي
دره ايوه لسه جايه امسكي الفلوس بتاعتك انتي واخواتك اهي
دارين ميرسي يا مامي بس ليه سحبتيهم كلهم دول كتير
دره خليهم معاكم وجيبوا الهديه والحاجه اللي نقصاكم لو اتبقي فلوس رجعوها ولا احتاجتوا فلوس تاني عرفوني
دارين لا دول كتير اوي اكيد هيكفي وهيتبقي كمان
دره ماشي ياروحي كلتوا قبل ما تناموا
دارين اه كلنا حضرتك عيزاني اعملك اي حاجه
دره لا يا روحي نامي يلا هتصحوا بدري انا هاخد شاور وهدخل انام عشان مرهقه جدا
دارين طيب مش هتاكلي
دره لا يا روحي مش جعانه جبتلك انتي واخواتك شوكلت وحجات كتير ابقوا شوفوها الصبح
دارين بأبتسامه باست ايدها بحب ربنا يخليكي لينا
دره باستها من راسها ويخليكم ليا يلا بونوي
دارين بونوي يا مامي 
خرجت دره وقفلت وراها الباب قلعت الچاكت ورمت نفسها علي الكرسي ورجعت راسها لوراء وهي بتتنهد
فجأه لقت موبايلها بيرن واسم كرم ظاهر بصت علي الموبايل قفلت الصوت وقامت علي اوضتها خدت غيار عشان تدخل تاخد شاور دافي يمكن يهديها 
فضل كرم يتصل عليها كتير وكان هيتجنن عرف انها فعلا اضايقت وزعلت منه بعتلها رساله 
خرجت دره من الحمام بعد نص ساعه راحت بصت علي الموبايل لاقته متصل بيها اكتر من عشرين مره وباعتلها رسايل علي الواتس فتحتهم
كرم دره ردي عليا ولو بجد بتحبيني 
كرم دره اتصلت عليكي اكتر من مره ومش بتردي عارف انك مضايقه بس عشان خاطري ردي
كرم دره عايز نفهمك اللي حصل بلاش تزعلي مني وتاخدي موقف قبل ما تفهمي 
واخر رساله بعتها من ثواني كان باين عليه الڠضب في كلامه
كرم ودين محمد يا دره لو ما رديتي عليا لا هتلاقيني حالا في وشك ومش هيهمني اي حد يشوفني ولا هيهمني منظرك ولا منظري قدامك دقيقه لو مردتيش هتلاقيني بنخبط ومش هننزل غير لما تفتحي
غمضت دره عينها و خدت نفس طويل وخرجته بهدوء عشان تهدأ قبل ما تتصل وبمجرد ما الموبايل رن جالها صوت كرم بسرعه 
كرم مبترديش ليه لازم يعني نبعتلك رساله ونهددك عشان تردي
دره بهدوء ومش هنرد ليه يا كرم
كرم شايفه اتصلت بيكي كام مره وبعتلك كام رساله
دره سوري بس كنت بناخد شاور والموبايل كان بره ولما خرجت رديت عادي يعني
كرم دره بلاش البرود ده
دره و هنتبارد عليك ليه هو ده اللي حصل يا كرم
كرم وانا مش حافظك يا دره وعارف انك مضايقه مني
دره وهنضايق منك ليه يا كرم هو حصل حاجه
كرم اهو سؤالك ده يعرفني اكتر انك مضايقه عشان ايوه يا دره حصل حاجه بس انتي مدتنيش فرصه نفهمك
دره تفهمني ايه يا كرم انك يعني كنت مع سونه في الوقت ده وكنت واقف قريب منها وماسك ايدها عادي يا كرم ايه المشكله
كرم نعممم انتي بجد شايفه انه عادي يعني انتي مش مضايقه يا دره ولا حتي غيرانه
دره و أفرض في النهايه ده مش من حقي
كرم يعني ايه مش من حقك
دره يعني مش من حقي يا كرم لا اضايق ولا اتعصب و أغضب ولا حتي من حقي احس بالغيره ولو عملت
كده انت هترضي او هتسمح بده ولا انت كمان هتشوف انه مش من حقي وهيبقي معاك حق انا اللي زمان بعدت ومشيت ومنعت ان يكون ليا اي حق فيك ومكنتش قريبه منك طول السنين دي ومش معقول بعد التغيير اللي حصل بينا
في يومين اجي احاسبك وازعل واستناك تيجي تصالحني
مش من حقي اجي احاسبك علي حب سونه ليك ولا اقدر أروح احاسبها 
كرم اللي اعرفه يا دره انك لو بتحبيني بجد زي ما قولتي هتدي لنفسك كل الحق في اي حاجه تخصني هتضايقي من الموقف اللي شوفتيه هتزعلي هتغيري هتعترضي علي الاقل
دره وانا مش هعمل كده يا كرم عشان انا لا مضايقه ولا غيرانه ولا زعلانه حتي عادي موقف وعدي واكيد مش بشك فيك كمان فا اعمل اللي انت عايزه اطمن مش هزعل لاني مليش حق الزعل 
مسحت دره دموعها بهدوء وحاولت تفضل متماسكه وهاديه
كرم جو البرود اللي انتي بتتعاملي بيه ده مياكلش معايا تمام يعني لو انتي مصدقه نفسك انا مش هنصدقك لو انتي بتحاولي تقنعيني انك مش مضايقه ولا غيرانه ولا زعلتي هنقولك انك كدابه يا دره ونظرة عينك فضحتك اول ما شوفتينا 
دره انت عايزني نقولك كلام انت عايز تسمعه عشان تتأكد أني كويسه صح
طيب يا كرم انا فعلا بنكدبوا عليك انا أضايقت لما شوفناك مع