زخات العشق و الهوى للكاتبة هدى زايد من الفصل الثامن عشر لـ الخاتمة

علي حديث والدتها بسبب انشغالها بعمل الحساب الخاص بوالدتها انتهت منه أخيرا رفعت بصرها وقالت بجدية 
أنا بعت أدد لعابد ومالك وميمي 
حد تاني 
ردت والدتها وهي تعد على أصابع يدها وتقول بتفكير 
اه سلطان ومريم هو اه انا وهي مټخانقين امبارح بس مشكلة وابعتي لمراد والبت كاميليا اخته عشان أنا بحبها متبعتيش للعقربة أمه وابعتي لوتين وسيلا والبت صدفة فكريني كدا تاني مين تاني  
تقريبا أنا 
ماشي بس بشرط تخلي صحابك يبعتوا لي
ومين تاني يابت يا ولاء مين تاني اه الواد عدنان وامه
ردت فيروز بنبرة ساخرة 
وسمعني سلام لو مكنتش أنت تدلعني مين هيدلعني إيه دا كله ياماما هو أنت بتعزمي الناس على كتب كتاب ميمي ولا بتعملي ايميل 
يابت عاوزة احس بالعزوة كدا وأنا اللي بحبهم معايا في الفيسبوك 
وماله عموما انا بعت ليهم كلهم وهما لما يفتحوا هيقبلوا طلبات الصداقة بتاعتك 
طب لو اكلم الواد سلطان اكلمه ازاي 
كلمي علي ماسنجر 
ايه الماسنجر دا يابت  
بصي ياماما مش لما بيبقى في فرح وتلاقي واحدة حبيبتك وفي كلمتين حابة تقوليهم ومش عاوزة حد يعرفهم بتعملي إيه  
باخدها في مكان مطرف وافضل احكي لها عن اللي جوايا كله 
الله ينور عليك أنت بقى لما تحبي تكلمي سلطان ادخلي على البتاع دا واتكلموا سوا سوا من غير ماحد يعرف ودا بيسجل صوتك وكدا تبعتي شوفتي بقى بنتك بتحبك ازاي حبيها أنت كمان وهاتي حق الايميل اللي عملته 
خلاص ياختي عرفنا هو أنت يعني اخترعتي الذرة قال حق قال
خرجت ولاء من الحجرة متجه نحو الردهة وهي تضغط علي زر المسجل وبدأت تراسل سلطان قائلة بسعادة 
حبيبي حبيبي اللي واحشني اديني عملت فسيبوك زي ما قلت لي البت فيروز كانت عاوزة تضحك عليا وتعملي أكونت ولا معرفش اسمه ايه دا بس أنا زعقت لها وقلت لها تعملي فسيبوك قل لي عامل إيه وشغلك ماشي حلو
ردعلى رسالتها الصوتية بأخرى وقال بسعادة واضحة في صوته وقال 
أنت كمان وحشتني اوي مبروك نورتي الفيسبوك كله شغلي ماشي كويس جدا الحمد لله قولي لي اخبارك إيه 
بدأت تراسله بأخرى مرت أول ساعة ثم أخرى حتى تجاوزت الساعة العاشرة مساء وهي علي نفس الحالة لم تشعر بشئ ولا بمرور الوقت نظرت للساعة المعلقة على الحائط وقالت 
إيه دا الساعة عشرة. اما اقوم اعمل العشا قبل ما البت ما تيجي
ولجت المطبخ وجدت ابنتها واقفة على أمام شاشة الهاتف تشرح وصفتها الحديدة عبر البث المباشر أشارت بيدها للمتابعين وقالت بإبتسامة عريضة 
ازيكم عاملين إيه أنا عملت فيسبوك ابقوا ابعته لي عشان نبقى اصحاب والوصفة دي من اختراعي هبقى اعرفكم وصفاتي انا كمان
رفعت فيروز يدها وعلى ثغرها إبتسامة بلهاء ثم قالت 
وبكدا نكون ختمنا يومنا الجميل معاكم ومتنسوش تعملوا لماما متابعة وسي فيرست عشان هتنزلكم وصفاتها العبقرية وأنا هعتزل المهنة لحد ابن الحلال ما يجي بالسلامة 
تم تتداول الفيديو بشكل كبير مما على موقع التواصل الاجتماعي البعض أخذه على محمل السخرية والبعض الآخر ظن أنه مجرد فيديو لرفع التفاعل على الصفحة أما ولاء كان لها نصيب الأسد من التعليقات مطالبين بظهورها في جميع الفيديوهات القادمة بسبب حسها الفكاهي .
قبل عقد قران مليكة ومراد بيوما واحد 
قرر عابد فتح أمر ذهابه إلى الصعيد فلم ترحمه والدته هذه المرة قامت بضرته حتى تورمت عيناه ولم ير شيئا بعدها مكث في حجرته بشقة والدته بعد أن اوصدت الباب بالمفتاح ظنا منها أنه سيفعل نفس الأمر مجددا .
ولج مالك وهو ير اخيه يتألم أثر ضربها له 
كبح ضحكاته رغما عنه وجلس علي حافة الفراش وهو يقول بجدية مصطنعه
مالك يا عابد وإيه الأزرق اللي تحت عينك دا 
أمك السبب 
ماما هي اللي ضربتك كدا !! 
ااه براحة يااخي إيه بتدوس على مخدة 
معلش معلش دا أنت وشك مش باين له معالم اصلا هي لعبت فيك البخت ليه كدا
ابدا قلت لها إيه رأيك اروح الصعيد نحل المشاكل بين جدي وبينك وجدي هيسامحك وبالمرة نعزمه علي فرح ميمي
وعينك ماتشوف إلا النور خد عندك ضړب يمين وشمال حتى سلاحھا الابيض استخدمته
ما ليها حق ياعابد ما أنت بصراحة مستفز حد يروح للڼار برجليه مرتين المرة الاولى فقد فيها نص الذاكرة المرة الجاية محدش عارف هتفقد إيه بالظبط
قاطعه عابد بتذكر قائلا 
اسكت مش مليكة اختك راحت لحماتها بهدلتها ومسكوا في بعض وضربوا بعض وفي الآخر اختك راحت عملت محضر قصاد المحضر اللي عملته حماتها بالسب والقصف العلني وجابت شهود كمان
طب وربنا بت بمليون راجل ايوا كدا خليها تبهدلها في المحاكم 
ماهو أنا قلت بردو إن التخطيط دا مايطلعش غير من واحد قليل رباية زيك لولا إن عيني فيها الوان الطيف ومش شايفك زي الناس كنت بهدلتك أنت كمان خد الشاش والقطن دول وصلح ما افسدته نبع الحنان
بس دول مش شاش وقطن 
اومال إيه دول 
دول شرابات كل فردة شكل
مصلحة خليهم معايا عشان وتين ضيعت الشرابات بتاعتي ومش لاقيها 
حبيبي ياعابد أنت مش شايف خالص كدا ! 
إيه ياض في إيه 
دول شرابات حريمي بتوع اختك فيروز 
وهو مين ضحك عليك وفهمك إن فيروز بنت من الأساس ثم إن دول هي سرقتهم مني قبل ما اتجوز وعشان المال الحلال مبيضعش رجعوا لي تاني
فتحت الباب عن آخره وقالت بنبرة جادة قائلة 
هي مين دي اللي مش بنت أساسا 
هو عابد اللي قال أنا مليش دعوة هو أصلا بيقول إنك سړقتي الشرابات بتاعته اللي اشتراها قبل الجواز وهي رجعت له 
الأهبل فكرك بنت عشان شراباتي 
ودا ملفتش نظرك ياعابد لما لبستهم مكانك 
الفصل الحادي والعشرون
مر اليوم مرور الكرام على الجميع عدا مليكة كانت تشعر بالتوتر الشديد وكأن هذه الزيجة الأولى لها كانت جالسة جوار مراد وهو يردد بعض الكلمات التي يمليها عليه القاضي الشرعي المأذون ارتسمت على ثغرها إبتسامة خفيفة لكنها توحي بالتوتر الملحوظ والذي شعر به وهو ممسك بيدها الباردة وكأنها وضعتها في البراد.
على الجانب الآخر من نفس المكان كانت فيروز تتذكر عقد قرانها علي الرغم من أنه كان بدون رغبة شقيقها الأكبر إلا أنها تشتاق لتلك الذكريات ليت لم يذهب حبيبها وبقى رغما عنها وتزوجها عنوة .
ابتسمت إبتسامة متكلفة ما إن هتف ابن أختها بإسمها لتنظر له ليلتقط إحدى الصور للذكرى لم يكن ابن اختها بل ابنها الذي لم تنجبه و أيضا يعشقها ولم يخيل يومه بدونها انتهى أخيرا عقد القران الذي اقيم في أحد المطاعم واقتصر على العائلتين فقط رغم اعتراض مراد الذي كان يريد أن يقيم حفل زفاف لكنها رفضت وبشدة .
من المقرر حسب خططهما أن تعود إلى بيت أهلها لسفره الذي أتى فجأة ويجب عليه العودة خلال أسبوع على الأكثر ومن ثم يرسل لها ولاابنها أتت موعد الراقصة الأولى وبدأ فيها أولى محاولاته في اقناعها بالذهاب إلى عش الزوجية .
مراد