زخات العشق و الهوى للكاتبة هدى زايد من الفصل الثامن عشر لـ الخاتمة

هتغاظ المتخلف لأ مش متغاظ ولا حاجة أنا بس حاسس بڼار خارجة من ودني تقريبا عشان التليفون على ودني بقاله فترة اقفل عشان بينادي عليك !! وجالك قلب تروحي له وتقوليها لي عادي كدا روحي ياحبيبتي وابقي ارجعي بسرعة أو نكدتي عليه عشان نسي عيدميلادك عشان تعرفي بس أنا اللي فاكرك دون عن الناس كلها إيه رحلة اسكندرية دي عشان عيد ميلادك وشرم كمان طب اقفل أنا بقى عشان أمك بتنادي عليا سلام خدي بالك من نفسك لأ مليش دعوة بعابد هو متخلف ويستاهل اللي يحصل له إنما أنت هبلة عشان سبتيني واتجوزتي هو مينفعش تتطلقوا يا وتين  
بهزر بهزر ارفعي قضية خلع وأنا شاهد معاك
هزته جميلة وقالت بنفاذ صبر وهي تتناول الهاتف منه عنوة 
بت يا وتيي سيبك منه الراجل دا عارفة زمان لما كنت في سنك كنت كل يوم والتاتي في حتة شكل اقولك على حاجة كان بيعملها اللي زعلان عشان بس بقالك ربع ساعة مردتيش عليه كان يدخل من باب البيت يقفل التليفون بتاعي وبتاعه وميسالش في حد ويقول طالما رجعت بيتي يبقى وقتي لمراتي وبس
قاطعها ريان بنبرة مغتاظة قائلا
متصدقيش يا وتيي دي بتضحك عليك 
خلاص قفلت سيبها بقى تستمعت بحياتها وركز أنت مع ولادك اللي مطلعين عين بعض في الشغل
تابعت بتذكر قائلة
صحيح عرفت إن كاميليا وأدهم سابوا بعض 
عرفت 
مين قالك  
كنت متوقع طبعا ابني وأنا عارفه كويس مش هيعرف يكمل 
بس اللي اعرفه إنها هي اللي سابته مش هو 
مش فارقة كتير بالنسبة لي المهم إن البنت اخدت القرار الصح واللي هو هرب ومعرفش ياخده او اتكسف 
ياخسارة كنت حابهم مع بعض 
مع بعض فين ياجميلة أنت هتضحك على نفسك ولا عليا هما أصلا كانوا مع بعض !! انا عمري ماشفت أدهم واقف معها في موقف ولا حسيته قريب منها البنت دي تعبت جدا معاه هي اللي بتسأل هي اللي بتقابله هي كل خاجة وأي مناسبة لازم تكون هي اللي تبدأ هو مش عارف يبقى معاها 
مش يمكن مۏت شاهيناز قصر عليه وعلى تفكيره  
لالا قبل مۏت أمه هو أصلا مش حابب كاميليا هو خدها عشان ينسى بيها بنتك وأنا وأنت ومصر كلها عارفة الحوار دا بس بننكره لكن البنت عشان ذكية فهمت وانسحبت بهدوء وبيني وبينك هي تستاهل واحد يحبها بجد مش تبقى مجرد نزوة 
هي كمان قالت له كدا بس بصراحة صعبان عليا اوي 
ميصعبش عليك غالي هو متخلف زي ابوه بالظبط والحمد لله إن الجوازة دي مكملتش وإلا كان نهايتها الطلاق محدش يضغط عليه يمكن يرجع لها المرة دي بقلبه لما يحس بقيمتها .
ردت بانفعال قائلة 
وهتسيب الاستاذ عدنان كدا من غير مايتجوز بردو 
أنت مستعجلة ليه على جواز العيال عاوزاهم يمشوا وخلاص !!
عاوزة افرح بالواد اللي حيلتي ياريان عاوزة ابقى أم العريس في إيه  
اهدي بس أنت وأنا هشوف واحدة تستحمله وتتحمل غلاسته 
لأ عندك بقى أنا ابني الف واحدة تتمناه وبعدين مين دا اللي غلس دا فاكهة العيلة 
طبعا ماهو العصفورة اللي بتنقل لك اخباري 
وإيه يعني ماينقل هو دا عيب 
طب يااختي اشبعي بقى شوية قبل ما يسبك ويتجوزك 
لا يا حبيبي أنا هجوز الواد هنا معايا مش هسيب واحدة تانية تاخده مني 
سبحان الله في طبعك يعني أنت عاوزة تجوزي بس يقعد برا لأ 
ايوة يتجوز سنة الحياة يبعد عن حضني وتاخده واحدة تانية دا انا اموتها واموته 
وأمي معملتش كدا ليه  
لا امك أصلا كانت مستغنية عنك إنما أنا لا

هو أناوحشة فعلا يامهدي  
أنت ست البنات يامهدية ومتسمعيش لحد وسيبك من بلال دا لو هو شايفك وحشة وصعبة يبقى مع السلامة احنا العين اللي تشوفنا حلوة نشوفها احلى والعين اللي تكره تبص لنا يبقى الله الغني عنها أنت ست البنات برأيه أو من غير رأيه يكفي إنك جدعة وبتقفي مع الكل وبعدين تعالي هنا قولي لي إيه اللي بيخليك تروحي لأهل أبوك هي دي عيلة تتعاشر اصلا !! 
أنا قلت اروح وابقى زي صحابي البنات اقول رايحة لأهلى وجاية من عند أهلي 
طب ياختي واديك اخدتي أكبر مقلب حياتك من أهل ابوك شوفي الهنا والسعد اللي خدناه من أهل أمك من ساعة وصلنا البلد
كانت هذه المناقشة بين مهدي ومهدية بعد أن سردت له ما حدث في بيت جدها وما بدر من بلال استغل هذا الموقف خير استغلال بدا في رمي شبكاه بطريقته الخاصة يكبرها مهدي بخمسة أعوام دائما يرأها زوجته المستقبلية يفعل مايرضيها لتوافق على الزواج منه لكنها ترفض دائما نعم تجاوزة الخمسة عشر عاما لكنها تملك قدر عال من الجمال ممشوقة القوام من يرأها لا يظنها تجاوزت العشرين من عمرها سحرت كل من مرت على قلبه بعفويتها أتت إلى الإسكندرية بعد توسلات منه لغيير الحالة المزاجية ظلت ترفض حتى رضخت بعد رجاء اختها الصغرى داليا تصغرها بعامين تقريبا وافقت لأجل أعين شقيقتها فقط ولجت جدتهم بعد أن علمت من داليا أن المحل ابتاعه احد الجيران سألته بمكر 
قل يا واد يا مهدي هو أبوك بطل يبعت لي ليه فلوس الدكان  
ماهو باعه يا ستي أنت لسه فاكرة 
نهار أبوك مش معدي يعني إيه باعه وأنا عايشة ازاي يا واد رد انطق 
لازم تتسحبي من لسانك وتقولي لها يابوتاجاز أنت لأ ياستي هو مكنش ناوي يبيع حاجة بس جاله مشتري كويس وباعه ب 150 الف 
باعه بكام 150 الف دا أنت يوم أبوك مش معدي
ايوة يامهدية علميهم الأدب 
دا أبوك قال لأمي باعه ب 50الف بس و ضحك عليها وخدت 20 الف بس 
اه يا ولادال... بقى تشتروا وتبيعوا في الدكان وأنا عايشة وجاين البلد ليه هتبيعوا إيه تاني يلا خدني ياواد أنت علي مصر دلوقت 
هو حضر ولا إيه يا ستي الله اكبر الله أكبر 
بس يا قليلة الأدب بتبيعوا واشتروا في املاكي وأنا عايشة اومال لما اموت هتعملوا إيه ! 
والله يا ستي مهدي هو اللي جاب الزبون مش أنا ولا أمي
قبضت الجد على ياقة قميصه وقالت بتحذير 
أنت عارف لو مرجعناش مصر بكرا واخدت حقي من الدكان هعمل فيكم إيه يا جعا نين 
عارف والله يا ستي عارف الصبح إن شاء الله هنكون في مصر اهدي بس 
ماشي اما نشوف

في عصر اليوم التالي
مكتب عاكف الدمنهوري
ولجت جميلة وقالت بقلق ظاهر على وجهها 
خير ياعاكف في إيه قلقتني  
مصېبة 
احكي ياعاكف في إيه  
ملف الصفقة الجديدة 
ماله !! 
في خزنة محسن الورداني 
أنت بتقول إيه وعرفت منين ومين اللي وصله له 
مش هتصدقي 
قول يا غاكف اعصابي باظت 
شاهيناز قبل ما ټموت وصلت له الملف 
أنت بتقول إيه  
اللي حصل محسن كشف ورقه بعت لي السي دي دا في