درب المتمرد من الفصل السابع للفصل الثاني عشر للكاتبة هدى زايد

شدي حيلك كدا الامتحانات قربت عاوزين نفرح بيكي كدا ونقول الدكتورة راحت الدكتورة جت الجواز جاي جاي متستعجليش المهم مستقبلك
ابتسمت اناهيد وهي ترد على حديثه قائلة بجدية مصطنعة 
والله يا جدي كنت زيك كدا ولما لاقتها مش جايبة همها قلت قوموا ودوني على بيت حبيبي مليش بركة غيره 
لالا الشهادة الاول 
أنت شايف كدا ! 
طبعا 
طب خلاص بقى خلوني اتعلم على مهلي مش متأخرة اصلا في التأني السلامة والعجلة الندامة 
معلش يا دكتور وجعنا لك دماغك يلا يا أناهيد سيبي الدكتور يرتاح 
لا والله هتمشي غير لما نتغدا سوى 
الغدا يا طلال بسرعة
خرج طلال من المطبخ وقال بجدية مصطنعة 
جدي مستعجلنيش من فضلك أنا بعمله اهو مليش مېت ايد أنا اصبر كمان سنتين كدا ولا حاجة ونحط الاكل ماهي اقدام اصلها 
شايف ياحج طولة لسانه ويرجع يقول بتتخانق معايا منين ماتشوفني !!!
معلش يا أم اناهيد حقك عليا أنا دا أصلا محدش طايقه في البيت ومرمي عند كل واحد مننا شوية شغال بلقمته يعني لسه أمي طارده امبارح والله بسبب القطة بتاعتها بس نقول إيه عقله عقل عيال 
جدو أنا بقول نطلب أكل جاهز احسن عشان الفرخة مش راضية تستوي مش عارف ليه 
كأنها عارفة مين هيأكلها 
خليها لك ياخويا يلا بت نمشي بلا قلة قيمة 
لا والله يا أم اناهيد ماهتمشي وأنت يا واد يا طلال روح نادي لحد يشوف الاكل
خلاص يا جدو الاكل استوى بس كلوا من غير تعلقوا على الاكل انا اصلا مبعرفش اطبخ لو نعرف انكم جاين مكنتش طبخت أصلا 
دا إبه اللقمة اللي هنأكلها بقلة القيمة دي ماتقومي يابت ولا أنت عجبك التهزيق بتاعه
خلاص يا طنط اقعدي عيب كدا مايصحش 
يعني يصح اللي بتقوله دا !!
بعد مرور عدة دقائق
إيه دا الأكل ناقص ملح !!
قالتها والدة اناهيد بنبرة متعجبة بينما رد 
طلال وقال
ماهو أنا مبحبش ملح كتير عشان عندي الضغط عالي
والرز ماله معجن كدا !
دا مش رز دي مكرونة بالصلصة 
دي مكرونة طب فين الصلصة ! 
ماهي الصلصة بتتعب لي القولون بحط منها حتة صغيرة
أناهأكل سلطة احسن 
لا يا طنط مش سلطة 
اومال إيه دي !!
دي شوربة خضار إيه مش باين عليها ! 
هو أنت كنت فين من حصة الطبخ بتاعت المدرسة ! 
كنت في حصة الالعاب بنلعب طيروا عارفها !
مدت يدها تتناول كأس العصير وهي تقول بنبرة ساخرة
أنا هشرب عصير وهو اللي نعرفه احسن من اللي منعرفوش
ضحك الجد وأناهيد على كلمات والدتها بينما رد طلال بنبرة مغتاظة 
دمك خفيف يا طنط ربنا يحفظك عسل
ردت والدة أناهيد قائلة
من قلبك يا طلال !
بعد مرور نصف ساعة
غادرت من شقة الجد عابد وأعين طلال لا تتركها وشأنها كان يتفحص وجهها وكأنه يحاول أن يشبع حاله قبل رحيلها أمره الجد بأن يسير معهما كان يدفعه برفق ل يلطف الأجواء ربتت على كتفه قائلة 
متتعبش نفسك يا حبيبي احنا هنسلم على ام عابد وبعدها نروحرفي تاكسي زي ما رجعنا احنا عارفين طريقنا
جلست مع الجدة ولاء تتبادل معها أطراف الحديث حتى انتهت الجدة قائلة
أنا عجباني أناهيد ومش عاوزاها تخرج من بيتنا الصراحة وبعدين يونس مش وحش دا دكتور قد الدنيا وجاهز من كله احنا بس نفوق من جوازة اخته وهنيجي نخطبها بأمر الله قلت إيه يا حنان !
ردت والدة اناهيد قائلة بإبتسامة واسعة
هقول أيه بس يا ام عابد البت بنتك والواد ابنك بس اعذريني في اللي هقوله بنتي مش هتدخل بيت المحمدي لا طلال ولا غيره احنا لو جينا النهاردا فاحنا جاين نعمل الواجب لا أزيد ولا اقل وبعدين لامؤخذة في الكلمة اجوز بنتي ازاي لواحد وأنا عارفة كويس إن قلبها مع ابن عمه
ختمت حديثها قائلة
أنا كدا پقهر بنتي بإيدي ثم إن خلاص انا وهي قفلنا موضوع الجواز دا نهائي لما تفوق من مذاكرتها ومستقبلها نبقى نشوف الجواز انا غلطت غلطة ومش هكررها سمعت لبنتي وقبلت اشغلها عن مستقبلها بس في الآخر محدش بيتعلم ببلاش واللي اعرفه إن يونس وطلال اخوات متجيش بنتي تفرق بينهم .
بابا أنا عاوزة اتجوز
أردف صفوان جملته وهو يجلس مقابلة أبيه الذي سكت مليا في انتظار متابعة حديثه 
نظر أرضا قبل أنا يقول بجدية 
أنا عارف إن لسه قدامي سنتين ونص على ما اخرج بس أنا خاېفة اللي بحبها حد غيري ياخدها مني 
مين المحظوظة اللي صفوان بيحبها و مش قادر يصبر لحد ما يخرج من اللي هو في !!
ورد بنت عم كرم الجزار
أردف صفوان عبارته وهو يبتلع لعابه بتوتر إثر نظرات والده رد والده قائلا بجدية
ايوة يا صفوان بس دي لسه بتدرس وصغيرة اوي عليك دا الفرق بينكم عشر سنين 
بابا أنا بحبها وقلبي مفكرش لما حبها في فرق السن وبعدين ما كتير بيتجوزوا وعايش في سعادة بابا أنا مش طالب منك