درب المتمرد من الفصل السابع للفصل الثاني عشر للكاتبة هدى زايد

أي حاجة كل اللي طالبه منك تتطلبها من أبوها 
هي عارفة إنك بتحبها وناوي تاخد الخطوة دي ولا لا !!
بعت لها جواب وحكت لها كل حاجة هي عندها خلفية متقلقش 
انا مش قلقان غير من رد أبوها بس مش أكتر 
لا إن شاء الله خير جرب أنت بس مش هتخسر حاجة ووافق على طلباتهم وأنا بأمر الله هجبيها
سكت نوح مليا وهو يتنهد نظر لابنه الذي بدأ يظهر عليه التوجس والقلق سأله نوح وقال بجدية مصطنعة
معاك حق الشبكة ولا اسلفك !
وقف صفوان في ذات الوقت الذي وقف فيه والده ليحتضنه مربتا على ظهره خرج من حضنه وقال بإبتسامة واسعة
مبروك مقدما يا عريس 
ربنا يخليك ليا بابا و ما يحرمني منك أبدا
ابويا قالي لو أختك طالما اتجوزت ابن عمك ڠصب عن الكل ياضاحي متاخدش مليم لأنها واخدة حقها على حياة عينه وإن البيت اللي أنا عايش في دا ورثك أنت عمتي مش عمتي أنا عمة ابويا
أردف ضاحي عبارته وهو يجلس حذاء صديقه المقرب في السچن ناوله قدحا من الشاي الساخن ثم وضعه القده خاصته جنبا 
ليخرج لفافة تبغ قام بإشعالها وهو يمل حديثه قائلا
اختي أول ما ابويا ماټ جت ومالقتش عليه نظرة لا دي سألت عن حقها في البيت اللي هو أنا لسه هحزن اخلص عاوزة حقي جوزها كان مسيطر عليها جامد وهي صراحة ربنا بت قوية ومبيمهاش حد قمت قلتها هروح ادفن ابويا وراجع لك قالت لي ماشي رحت ورجعت لاقيتها طردت الستات اللي بيعزوا وقالت مفيش عزا قلت يا واد مش مشكلة كدا كدا أنت ملكش حريم تاخد العزا في ابوك
سأله صفوان بنبرة فضولية قائلا 
وهي والدتك فين !
أجابه ضاحي قائلا
امي ماټت قبل ابويا بتلات سنين وكنت أنا اللي بشيلها عشان اختي مكنتش بترضى تخدمها المهم لما رجعت من الډفنة لاقيت قعدة وبتقول فين حقي في البيت قلت لها ملكيش حاجة لاقيتها اتحولت قمت مديها على بؤقها بالجزمة ولما جابوا رجالة تحكم بنا الرجالة حكمت إن ملهاش فعلا وإن دا حقي أنا وعمة ابويا فأنا عشان عضم التربة قلت لا تاخد من حقي وأنا مسامح بس ندي عمة ابويا الأول 
عمة ابوك خدت 
لا 
ليه ! 
عايش في القاهرة من يوم ما اتجوزت ومعرفش هي عايش ولا مېتة معرفش أي حاجة عنها غير اسمها
طب وأنت اتسجنت ليه ! 
اختي لفقت لي قض ية سړقة 
ازاي ! 
سابت دهبها في اوضتي يوم العزا وراحت محضر في القسم وبلغت عن السر قة بس انا سكت عشان لو اثبت إنها كدابة هتتسجن عشان اخدت مني عشر تلاف جنيه كنت شايلهم لشغلي فقلت ياواد اهي اختك في الاخر بلاش تشردها هي وعيالها
سكت ضاحي مليا قبل أن ينفث سحابة دخان كثيفة في سقف الغرفة عاد ببصره ل صفوان وقال بإبتسامة باهتة 
على فكرة يا صفوان أنا ابن ناس أنا خريج تجارة وكنت شغال محاسب في شركة كبيرة وعيلتي كبيرة في الصعيد أنا من عيلة المحمدي لو تسمع عنهاو
استوقفه قائلا بنبرة ذاهلة قائلا 
قلت مين ! 
عيلة المحمدي مالك في إيه !
سأله صفوان بفضول قائلا
أنت ابن مين في عيلة المحمدي!
نفث ضاحي دخان لفافة التبغ وهو يحتسي الشاي الساخن ثم قال 
ابن مصطفى سيد أحمد المحمدي مالك يا جدع بتسأل ليه !
ضحك صفوان وهو ينفث دخان سيجارته وقال 
أصل عمة أبوك تبقى ستي ولاء 
ايوة صح هي اسمها ولاء
تابع بجدية قائلا 
بس ازاي يا جدع وأنت اسمك صفوان مالك وابوك اسمه نوح !!
مالك دا جدي انما عيلتي اخرها المحمدي
تابع صفوان من بين ضحكاته قائلا
دي ولاء طلع ليها اهل في البلد بصحيح دي لما تعرف هتعمل فرح .
مبروك يا يونس مش كنت تقول إنك عاوز أناهيد وأنا كنت رحت خطبتهالك بنفسي عموما ربنا يسعدكم يا رب يا صاحبي خدي دي شبكتها بدل ما تروح تكلف نفسك وتجيب غيرها طول عمرنا بنقسم اللقمة سوا بس اول مرة اعرف إن أناهيد ضمن القمسة
اردف طلال عبارته قائلا بإبتسامة خفيفة بينما رد عليه بن عمه وقال
هو أنت زعلان ليه يا طلال ما أنت رمتها بطول دراعك ولا هي بتحلى وبيبقى عليها سكر لما غيرك ياخدها !! وبعدين انا مش عاوز شبكة أنا عاوز خمستلاف وهبقى ارجعهم لك لما الدنيا تتيسر معايا
الفصل التاسع 
نظر يونس داخل العلبة المخملية بتقييم ثم عاد ببصره لابن عمه وقال بجدية مصطعنة
ذوقك حلو
تابع بإبتسامة خفيفة وهو يضربه في كتفه برفق
بس غبي
ختم حديثه قائلا بنبرة تملؤها الحنان 
ياض أنت صاحبي واخويا اللي أمي مجبتوش واللي تحبها تحرم عليا زي أمي واختي احنا نقسم أي حاجة في الدنيا لكن تدخل قلبك اهو دا اللي مستحيل أبدا .
رد طلال بجدية مصطنعة وهو يتحاشى النظر