درب المتمرد من الفصل السابع للفصل الثاني عشر للكاتبة هدى زايد

يحب يبعها أنا مستعد من جنيه لمليون
ابتسم له وقال
صفوان زيي يا يوسف الحاجة اللي بيحبها مبيفرطش فيها ولا بكنوز الدنيا.
أنت بتعمل إيه يا واد يا طلال 
سأل عابد سؤاله و هو يقف خلف حفيده الذي قلب المطبخ رأسا على عقب بدأ يستكشف عن ماهية هذا و ذاك استدار طلال بجسده كله و قال بإبتسامة واسعة
صباح الخير بليل يا جدو كل دا نوم !
رد عابد بنبرة مرتفعة و قال 
و أنت مالك و إيه اللي جابك المطبخ و مالك فاتح التلاجة كدا ليه و فين ستك ياض أنت 
عاد طلال يتابع الطعام قبل أن يتحر ق و قال 
راحت عند ماما تشوف صرفة مع بابا و قالت لي خليني هنا اخد بالي من الاكل
وقف عابد أمام الموقد ثم رفع الحمام المتأكل أكثر من نصفه و قال
و هو أنت كدا بتاخد بالك !
لا دا بدوقه بس على الاكل ما يخلص اقعد أنت برا و أنا خلاص جاي اهو
بعد مرور خمس دقائق
و أنت إن شاء الله هاتنورنا هنا كتير !
رفع طلال كتفيه و قال 
و الله يا جدو أنا كائن يعيش و يتعايش مع أي حد خلقه ربنا و مطرح ما ابويا يرميني بعرف اتعايش مع الناس اللي ساكنين في و بعدين أنت مش غريب يا جدي
رد عابد و قال بغيظ مكتوم 
يارتني كنت غريب يا اخي
بلع طلال لقيماته و قال بهدوء 
ابقى في ساعة صفا كدا قول لتيتا تخف ايدها على الملح شوية عشان بيرفع لي ضغط الد م 
و هو أنت عندك د م !
ترك طلال الطعام وقال بجدية مصطنعة
و ليه بقى الكلام اللي يزعل الواحد دا بقى مالك يا عابد مكنش جوزين حمام اللي آكلتهم على البوتجاز دول ابقى قل لي بتجيب حاجة بكام في الشهر و انا اشيل معاك
رد عابد بنبرة مغتاظة قائلا
انا بدفع خمس تلاف جنيه
ارتشف طلال آخر رشفة من المياه الغازية و قال 
حلو و يبتبقى معاك كام  
و أنت مالك انت مالك كنت سألتك بيدخلك كام في الشهر !!
اسأل يا جدو هو أنا ها خبي عليك بردو
طب بيدخلك كام في الشهر !
مش فاكر بس اهو ماشي حالي الحمد لله
مد عابد يده تجاه الس كين و قال بتحدير 
ولاه قدامك ساعتين تلم فيهم حاجتك وتاخد بعضك وتطلع بيتكم أنا ۏجع الدماغ بتاع الدروس دا مش قادر عليه كل شوية مجموعة داخلة و مجموعة خارجةو مش عارف ارتاح في بيتي
رد طلال وقال 
روح عند تيتا ولاء هي اولي بيك
مال بجذعه و قال بنبرة هامسة 
أنا سمعت تيتا امبارح بتقل لك إنك بغيير بس معرفتش من مين اوعى تكون بتغيير مني يا جدو ازعل 
و الله دا لو عندك د م هتزعل و تاخد بعضك و تمشي يبقى ايوة يلا بالسلامة
تجاهل طلال رد جده و تابع تناول طعامه بينما رد عابد قائلا 
أنا مش عارف أناهيد دي شافت فيك إيه عدل عشان تحبك دا الحمد لله إنها فاقت لعقلها و سابتك
رد طلال بنبرة مرحة قائلا
و الله يا جدو بت محدثة نعمة بقى حد يبقى النعمة في ايده و يرفسها ! 
و هي فين النعمة دي  
أنا يا جدو ما تركز معايا ! 
معلش يا ابني اصل مركز على الحمام اللي بيستغيث دا من تحت ايدك يا ارحم نفسك شوية 
معلش يا جدو أصل انا ببني عضلة و محتاج أكل كتير 
و هو ابوك طردتك من البيت عشان كدا  
لا و حياتك دا عشان محدثة النعمة اللي اسمها أناهيد من يوم ما فركشت الخطوبة وهو مش طايقيني بس على مين بكرا امي تخطب لي ست ستها و ټندم على النعمة اللي راحت من ايدها
رد عابد بنبرة مغتاظة و قال 
و النعمة اللي في ايدك دي مش هترحمها بقى 
قصدك مين أناهيد  
لا قصدي الحمام إنما أناهيد خلاص ربنا نجدها
نظر له طلال و قال بجدية مصطنعة 
سيبك أنت من الحمام و من محدثة النعمة التانية و قل لي هو الدكتور نسا والتوليد دا بيكسب حلو  
اشمعنى  
أصل الواد يونس كل ما اقل له ادفع حق العزومة و لا تعال نسهر برا يقل لي ليه فاكرني رجل اعمال زيك هو يبان كحيان و مش معاه حق اللبس اللي بيلبسه بس أنا شاكك في الموضوع 
لا اطمن الدكتور بيكسب كويس اوي كمان متقلقش 
شوف يا خويا الواد ربنا كرمه و بيخبي عليا
ماهو بيتعلم منك يا مستر طلال 
مين أنا يا جدو اخس عليك دا أنا كحيان و مش لاقي حق اللقمة 
سلام عليكم ازيك يا جدو
قالها يونس و هو يقف على اعتاب الشقة استدار له عابد