درب المتمرد من الفصل السابع للفصل الثاني عشر للكاتبة هدى زايد

وعلى قلبه قد كدا يعني يوم ما تقولي يا فلوس هيوزنك
مش عاوزاه يعني مش عاوزاه هو الجواز بالعافية !!
أردفت ورد عبارتها بعناد بينما رد والدها وهو يلج من باب الغرفة وقال
دا خامس عريس يجي وتقولي لا فاكرة نفسك جميلة الجميلات وكل يوم هايجي لك عريس
تابع بنبرة مغتاظة قائلا 
وحتى لو دا حصل هتلاقي فين احسن من صفوان المحمدي يا بنت كرم دا دا راجل بيلعب بالفلوس لعب يا بنت الك...
ردت ورد بنبرة مخټنقة وهي تقول
يابابا هو أنا تعباك اوي كدا دا أنا لسه يادوب في تانية ثانوي اللي زيي مبيعملش حاجة غير إنه يتعلم
رد والدها قائلا بنبرة مقتضبة 
وبيتجوزوا يا حيلة أبوكي ما عندك صفاء اهي اتجوزتها وهي بنت تمناتشر سنة وشايلة البيت وماعندهاش مشكلة .
ردت ورد قائلة  
ايوة يا بابا بس أن...
قاطعها والدها من بين أسنانه وهو يقول بوعيد 
اخرسي يا بت يمين بالله لو ما قمت لبستي وخرجتي سلمتي على حماكي والضيوف لأقطع خبرك الوقت وهتاخديه يعني هتاخديه
بعد مرور عشر دقائق
ولجت ورد حاملة بين يدها العصائر حاولت التظاهر بملامح باهتة لتصدر عدم تقبلها الأمر بطريقة غير مباشرة قامت بتقديم المشروبات جلست حذاء ربى وهي تقول بإبتسامة واسعة 
دا صفوان ذوقه فعلا حلو
شكرا
بأمر الله احنا هنحدد معاد للفرح بس لما يخرج صفوان ولما الولاد كمان يتكلموا مع بعض عن كل التفاصيل احنا بس حبينا نتكلم ونعرفكم إننا عاوزين ورد ل صفوان
أردف نوح عبارته وهو يبتسم في وجه والد ورد بينما ردت تلك الأخيرة قائلة 
أنا عاوزة اختار شبكتي بنفسي والشقة تتشطب زي ما أنا حابة والمهر يبقي 100 الف والمؤخر 200 الف وشبكة ب الف ولما اتجوز بأمر الله ابقى في شقة معزولة لا اخدم حماتي ولا غيرها
كاد أن يرد والدها على تتطاولها والذي يعلم جيدا سبب هذه الشروط وهذا الجمود لكنه
تفاجئ برد نوح حين قال بنبرة حانية
احنا يا حبيبتي مبنشغلش عندنا حد بنات الناس اللي زيك بنشيلهم على راسنا وجوا عيونا وقلوبنا .
عشت يا ابو طلال معلش ورد بنتي مش قصدها حاجة عيلة بقى
رد نوح بجدية قائلا 
طلباتك كلها هتتنفذ 
لا معلش عرف صفوان بطلباتي وبعدها نبقى نتكلم
ابتسم وقال بهدوء
صفوان ابني قالي لو ورد طلبت نجمة من السما هجيبها ابني الحمد لله قادر يوزنك بالدهب مش بالفلوس يا ورد شوفي حابة تنزلي إمتى تختاري شبكتك
أنت يا سي بابا تعال شوف ست ماما وقولها أناهيد مبقتش حمل التعلي....
أردفت اناهيد وهي تدخل من باب منزل والدها تفاجئت بعائلة المحمدي تسمرت مكانها 
ما إن وجدت طلال ظنت أنه عاد يطلبها من جديد ابتسمت ثم اخفتها وهي تعتذر
معلش أنا آسفة كنت فاكرة محدش هنا
ابتسم والدها وهو يشير تجاه نوح وقال بسعادة 
تعالي يا اناهيد واحضري المناسبة الحلوة دي ورد اتخطبت لصفوان
جلست وهي تضع هاتفه على سطح المنضدة ترددت الإبتسامة على شفتاها جلست حذاء والدها و هي تبارك لهم شعرت بإنكسار فرحتها 
وكأنها كانت تنتظر خبر عودة طلال لها وقفت 
عن مقعدها وقالت بحنو وحب وهي تحتضن أختها 
مبروك فرحت لك اوي
أناهيد تعالي عاوزكي ثواني
أردفت زوجة أبيها عبارتها وكأنها أتت في الوقت المناسب أكثر من أي وقت آخر صدح 
هاتفها لتدوي كلمات اغنيتها المفضلة وهي توصف حالها 
كل يوم بقول إمتى ترجع ليا صعبة اوي الحياة صعبة من غيرنا أنا وأنت ذكريات كتير بتقابلني معاك يوماتي بتفكرني بيك وبسنين حلوة في حياتي قل لي ازاي اعيش
عادت كالمجذوبة والتقطت هاتفها ردت بتعلثم 
وهي تعتذر عن دخولها المفاجئ بهذا الشكل 
معلش نسيته هنا 
تابعت وهي تخرج من الغرفة 
ايوة يا ماما أنا جاية حاضر سلام
القت التحية دون الدخول الغرفة مرة أخرى 
استوقفها والدها قائلا 
اناهيد خدي هنا
عادت وهي تكفكف دموعها قائلة بنبرة مخټنقة
نعم يابابا 
أنت مش لسه داخلة هتروحي تاني ليه !
ردت بإبتسامة واسعة جاهدت لترسمها وهي تقول بجدية مصطنعة 
أمر الحكومة بقى يا بابا معلش هبقى اجاي لك بكرا 
ردت بتذكر قائلة 
اوبس بكرا عندي درس بعد المدرسة بساعتين
تابعت بجدية مصطنعة وهي تصافح الجميع 
هخرج من الدرس عليك
ختمت حديثها قائلة.
مبروك وعقبال الفرح ربنا يسعدهم يارب
ردت ربىبإبتسامة حانية 
وعقبالك يا حبيبتي
ردت اناهيد قائلة بجمود 
لاااا أنا بطلت افكر في التفاهات دي انا عندي
حاجات أهم من الحب والجواز عموما سلام يا طنط وابقي سلمي لي على ديدا كتير .
اقسم بالله ما في حد في العيلة دي محترم وعنده ذوق بداية من ورد اللي فاكرة نفسها ملكة جمال الكون لحد ست أناهيد هانم اللي عاملة نفسها بنت الملك فاروق
أردف طلال عبارته وهو يسير بجانب والده و يحدثهم بعصبية شديدة رد والده بنبرة اهدأ منه 
احنا عملنا اللي علينا وأنا بنفذ رغبة ابني وبساعده يتجوز اللي بيحيها لا عيب ولا حرام
رد يونس بجدية قائلا
ايوة يا