رواية عقوق العشاق للكاتبة هدى زايد من الفصل الثاني و العشرون لـ الأخير
المحتويات
بمشاكسة و هو يعانق حفيده
من حقه طول ما جميل و مسكر كدا وطالع الأول يبقى يعمل اللي يعجبه
تابع بجدية وقال
ها يا بطل نفسك في إيه بقى النهاردا جايزتك على حسب مزاجك
نظر يونس لوالده الذي ابتسم له ثم عاد ببصره لجده و قال بنبرة حائرة
مش عارف
سأله مالك وقال
مش عارف أنت عاوز إيه
اجابه يونس قائلا
ردت الجدة قائلة برضا ل ذاك الصغير الذي يرضى بالقلة القليلة من هدايا الأهل
أنت يا واد يا يونس قنوع و بترضى بقليلك زي ابوك بالظبط
قصدك زي جده زيي أنا كدا
زيك أنت طب ازاي دا أنت كنت بتاخد اي فلوس زيادة على المعاش وتقولي اخد اللي فوق المعاش ابص لاقيك خدت اللي فوق و اللي تحت المعاش دا أنت كنت بتشوف الفلوس تتسعر
وهو يونس اسم الله عليه كبر يعني ما أنت كنت زيه كدا ستة ابتدائي
نظر مالك لحفيده و قال بتساؤل
ها يا يونس عاوز إيه
ظل يفكر في عرض جده المغري ثم قال
عاوز اروح معاك أنت و تيتا لما تسافروا
سأله عابد بإبتسامة واسعة
عاوز تحج عاوز تروح تعمل عمرة يا شيخ يونس
أنا عاوز اروح عند المكان اللي صليت في أنا و جدو في الحلم
ما هو دا يا حبيبي اسمه مكة المكرمة و المدينة المنورة و احنا بنعمل عمرة في عشان ربنا يغفر لنا ذنوبنا و يتثنا على دينه و نعمل دايما الخير زي ما أنا كدا بعمل خير و مستحمل جدك مالك
خلاص بقى يا ألين ما هو أنا واخد طرد لمدة أسبوع و قاعد في البيت أهو مش لاقي حاجة اعملها
يعني هما يطردوني و أنا ذاكر ليه هما احسن مني في إيه
يا ابني المذاكرة دي ليك مش للمدرسة
بقلك إيه يا ألين أنا واخد اسبوع إجازة خليني اقضي براحتي قبل ما يخلص
أنت مش قلت مطرود
لأ أنا برقيها شوبة وبقول إجازة المهم قولي لي زعلانة ليه
جدو اتصل ب مامي وقالها تعالي بقى ألين وحشتني
لأ
اومال زعلانة ليه
عشان عيد ميلادي بكرا وكنت حابة اعمله هنا معاكم
بس كدا الحمد لله لقينا حاجة نرقص بسببها
ياعياااال عيد ميلاد لي لي النهاردا هجووووم
استوقفته ألين قائلة بهدوء
استنى بس
إيه في إيه
فهد نايم جوا و كدا عيب نعمله إزعاج
أنت عاوزة تعملي عيد ميلادك ولالأ
اكيد طبعا
طب تعالي برا و احنا هنعمله
اجتمعت الاطفال عدا فهد الذي مازال يغط في نومه وقف صفوان يتراقص مع ألين ابنة خالته صبا على سطح المائدة الزجاجي و هو يغني لها بينما وقفت الأطفال تردد خلفه وهم يصفقون و الجدة معهم وكأن فرحة الأطفال وجمعتهم حولها محت ما بداخلها من مرض وتقدم العمر وقف نوح على باب الشقة مستندا بكتفه يتابع ذاك الملعۏن الذي لا فائدة منه و هو يقول
يا بنت السلطان حني على الغلبان دا المية في ايدك و محسبوك عطشان وسعيدة ياحلوة سعيدة شاور لي وأنا اجاي ماشي من هنا لمصر الجديدة وعلى كوبري عباس ماشية وماشية الناس ماشية بيصوا عليك يا فروتة وأناناس
خرج فهد و بداخله نير ان تكاد تخرج من أذنيه هدر بصوته وقال
بس بس بس في إيه صاحين ليه لحد دلوقتي !! هتناموا إمتى
رد صفوان قائلا
نوم مين يا عم دا السهرة النهاردا للصبح دا واخد طرد لمدة أسبوع ويادوب المغرب قالت الله اكبر
ايوة وأنا معاد نوم جه خلاص
ماتدخل تنام حد ماسكك
انام ازاي و الفرح دا فوق دماغي !!
دماغك مين احنا فوق السفرة و بعدين دا احنا بنحتفل بعيد ميلاد بنت خالتي تعال احتفال معانا
تنهد فهد بعمق ثم قال برجاء
تيتا من فضلك خلي يسكت شوية بجد مش عارف انام
ردت الجدة قائلة بهدوء لتفض الڼزاع بينهما
خلاص يا صفوان كفاية كدا انزل خلي ابن عمتك ينام هو متعود ينام بدري و يقوم بدري
اغتاظ صفوان من هادم اللذات هذا وقال
لسه الاغنية مخلصتش يا ستي اصبري بس
رد فهد بيأس قائلا
يا صفوان أنا تعبت منك بجد اعملك إيه عشان تقدر إن في بني آدمين معاك في البيت ومحتاجين الراحة
تراقص صفوان وهو يتذكر الأغنية وقال
اعملك إيه حيرتني. اعملك سهرتني اعمل أيه دوبتني. أنا بحبك وبريدك ابعت لي جواب في بريدك
الله الله يا صفوان باشا هي دي المذاكرة اللي قلت لي عليها هو دا العوض اللي هاتعوضه لا بجد ماشاء الله عليك
قالها نوح وهو يلج بدأ في فك حزام بنطاله انسحبت الاطفال من على المقاعد الخاصة بالمائدة التفوا حول الجدة ضمتهم في حضنها لم يستطع صفوان الهروب كاد أن يتحدث لكن
دخول جده عابد انقذه من بين براثن أبيه وحين سأل عن السبب قال صفوان وهو مازال فوق سطح المائدة مشيرا بسبباته تجاه فهد
أنا رمشي ما دق النوم والبيه عيونه شبعت نوم
هدر والده بصوته الغاضب قائلا
إيه !
رد بتلعثم وهو ينزل بهدوء عن سطح المائدة
قصدي إن أنا بعمل عيد ميلاد لبنت خالتي وهو مش عجبه آل إيه عاوز ينام !!
ماهو بعيد عنك. عنده د م
كاد أن يضربه لكن منعه عابد قائلا
خلاص يا نوح عيال مع بعض
يا عمي دا مش سايب حد في حاله وكل يوم مشكلة مع حد شكل دا لو مش لاقي حاجة يعملها يضايق في تيتا و هي خلاص مبقتش بتتحمل مضايقة
خلاص يا صفوان ملكش دعوة بحد والعبوا مع بعض
خلاص يا جدو احنا مش هنعمل دوشة هنا احنا هنروح شقتك نلعب هناك
صفوان خد تعال هنا
نعم يا بابا
هو بعد اسبوع في إيه
في امتحانات !!
و الامتحانات المفروض دي بيعملوا إيه قبلها
بيذاكروا فيها !!
رفع نوح الحزام ليضربه لكنه فر منه قبل أن يصل إليه منعه عابد للمرة الثانية وقال
خلاص يا نوح في إبه هتضربه وانا واقف
يا عمي الواد مطلع عيني وعين امه أنا خلاص مبقتش قادر عليه دا مابيعملش حاجة في حياته غير إنه يرقص ويرقص اخته طب بالله عليك يا عمي عدا عليك النوع دا قبل كدا
الصراحة لأ بس بردو متنكرش إن الواد شاطر ودايما بيطلع الاول
اول ايه وتاني إيه دا أنا تعبت منه والله أنا عاوزه هادي شوية صعب علي ...
استرها يارب إيه دا في إيه إبه صوت الصړيخ دا !!
قالها عابد وهو يتجه نحو شرفة الردهة في شقة والدته بينما هرع نوح للخارج وقف في وسط الحارة وجد ابنه يتشاجر مع أطفال الحارة
قبض على ياقة قميصه من الخلف وقال
أنت
متابعة القراءة
